Калыккуспо микс

Удмурт Дунне
By Удмурт Дунне 28 мая, 2015 08:15
А. Загумённова Финляндиын

А. Загумённова Финляндиын

Ми, Mademoiselle Oudmourte агентствоысь нылъёс, вуылӥмы Финляндие «Мода уй» ужрадэ.

Милемыз отчы ӧтиз Удмуртиысь ужбергатӥсь Эдуард Рафаилович Хакимов, кудӥз али Суомиысь Сиппола черкогуртын улэ. Быдэс ар ни со ужа Ugrin Paikka кунокуаын. Со юрт фин-угор центр выллем луэ. Пӧртэм делегациос яке огшоры группа быгатэ лыктыны отчы, тодматскыны фин культураен, ачиз сярысь но мадьыны. Луэ ортчытыны киужъёсъя, сиёнъёсъя пӧртэм мастер-классъёс.

Эдуардлы ӟеч юртто семьяез, эшъёсыз. Но, мон малпамъя, ужез туж ӟеч мынэ — татчы вуылӥзы ни Кизнер школаысь дышетӥсь 3 дышетскисен, удмурт пӧраськисьёс.

Милям валтӥсь ужпуммы вал удмурт дӥськутлэн чеберлыкеныз тодматон. Ми малпаськом, финъёслы яраз. Нош мар эшшо паймымонэз со арня куспын?

Калыккуспо микс ми понна ноку но сыӵе шӧдскымон ӧй вал на, дыр. Санкт-Петербургысь метроын контролёр милемыз Туркестанысь вуимы шуыса малпаз, одӥг фин пияш эскимосъёс шуиз. Нош «Саага» интыын курд воргорон удмурт куншетмес суредам, сьӧд буёлэз гордэн сураса…

Дӥськут возьматонмы усьтӥськиз Хамина карын туала ресторанын, кудӥз интыяськемын фин заливлэн ярдураз. Дӥсен тодматэм сяна, куноосыз балезино шаньгиосын куноятӥмы. Сыӵе ческытсэ сиемзы ӧй на вал, дыр. Туж кынмимы, ярдурын фотое пуксьыкумы, но туспуктэм пӧрмиз туж чебер.

Коуволаын улӥсьёсты ми ратушалэн тубат вылаз удмурт дэремен тодма-тӥм. Пӧртэм магазинъёсысь дӥськут адӟытонъёсын усь-тӥськиз «Мода уй». Собере со азьланьтӥськиз «Saaga» юртын. Татын африка-инди омыре зымимы: курдъёсын, сомалиецъёсын тодматским. Татьяна Москвиналэн «Марыська» коллекциез африка шӧмъем вал бере, туж яраз выль эшъёсмылы. Милемын гинэ фотое пуксьылӥзы.

Ugrin Paikka кафеын возьматӥмы удмурт дӥсьмес. Шумпотымон, вашкала дукесъёсты басьтӥзы, одӥг мӧйы фин аслыз удмурт дэрем вурыны косӥз.

Собере вуылӥм Котка каре. Вуз карон центрын адӟимы тумошо яркыт дефилеез — нылашъёс барбиос кадесь вал.

Берпуметӥ нуналаз вуылӥм удмурт филологъёс понна тужгес но данлыко интые — Хельсинкиысь Кастрен нимо огазеяськонлэн юртаз. Мансардаын интыяськем тодослыко центре люкаськизы огазеяськонлэн азьвыл кивалтӥсез Ильдико Лехтинен, егит тодосчи Светлана Едыгарова-мантель, МАФУН ассоциацилэн тӧроез Сампса Холлопайнен. Куноос тодӥзы туала удмурт дизайнеръёс сярысь — со туж шумпотымон. Малпаськом, та кутскон гинэ ай.

Анна ЗАГУМЁНОВА

Туспуктэмез авторлэн

Удмурт Дунне
By Удмурт Дунне 28 мая, 2015 08:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<