Ёросысь иворъёс

Удмурт Дунне
By Удмурт Дунне 26 мая, 2015 16:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кыӵе иворъёс вал кылем арняе ёросъёсын? Кезын данъяло кема улэм кузпалъёсты, Дэбесын люкаськыло атайёс, Алнашысь 22 пиналъёс ар куспын 70 «5» люказы, Киясаын скал бызьылтӥсьёс вожвылъясько. Нош мар луэ тынад ёросад? Иворты!

ЁРОСЪЁС

 

 

 

КИЯСА

Пудоез валало
Ёросын ортчиз скал бызьылытӥсьёс пӧлын вожвылъяськон.
Сое радъязы гурт удысъя управление но «Можгаплем» предприятие. Ӵошатсконын кужымзэс мертаны мылкыд каризы 11 операторъёс. Жюри лыдэ басьтӥз соослэсь лабораториын ужаны быгатэмзэс, пудоез тодэмзэс, документъёсын вырыны быгатэмзэс но мукет. Тужгес устоен лыдъямын «Киясовский» агрокомплекслэн Подгорной фермаысьтыз скал бызьылытӥсь Светлана Фёдорова.

АЛНАШ

70 «витьёсын» пумитазы
Кузёбай шор ёзо школаын «70 «витьёс» — мынам вормонэ» акция ялэмын вал.
Ӝыны ар куспын пиналъёс, Быдӟым Вормонлэн 70 ар тырмонэзлы сӥзьыса, ӟеч отметкаос басьтыны тыршизы. 8-тӥ мае Кузёбайын радъяськем митингын устоосызлы дышетскисьёслы сётэмын таукаронъёс но коньдон кузьымъёс. Сыӵе шудоос пӧлы шедизы 22 пиналъёс. Соос та вормонзэс сӥзизы асьсэлэн песятайёссылы но песянайёссылы.

ВОТКА

Суред ышиз
«Чайковский — нылпиослэн синмынызы» суредаськонъя калыккуспо вожвылъяськонэ 2 сюрслэсь ятыр пиналъёс пыриськизы.
Ужъёссы вуылӥзы Россиысь 45 улосъёсы, Белоруссие, Польшае, Казахстанэ но Узбекистанэ. Тужгес устооссэ суредъёсты баннер вылэ пуктӥзы, табере соос чебер каро Воткаысь тымет котырез. Но 2 арня но ӧз ортчы, одӥгзэ суредэз кин ке ишкалтэм-лушкам ни. Город администрациын ивортӥзы: буш кылем интые выльзэ суредэз ошозы. Но оскон ӧвӧл, пе, мукетъёссэ но суредъёсты арам уз каре шуыса.

ДЭБЕС

Атайёс огазеясько
Ёросысь воргоронъёслы валэктӥзы: соос одно пыриськыны кулэ нылпиоссэс будэтонэ.
Дэбес шор ёзо школае люкаллязы быдэс ёросысь атайёсты — котькуд школаысь нимысьтыз делегация вуиз. Оглом ог 160 пала адями люкаськиз. Атайёс кенешизы нылпиослэн аспӧртэмлыкъёссы сярысь, соослы визь-кенешен юрттӥзы Ижысь психологъёс. Ёросысь прокуратураын ужасьёс атайёслы тодазы вайытӥзы, кыӵе кыл кутон улэ шедьыны быгато пиналъёссэс эрказ лэзисьёс. Вераськон мынӥз ёросын атайёслэсь огазеяськонзэс кылдытон сярысь но.

Кез

Егитъёс дышетско мӧйыослэсь
Ёросын туж сӥлы каро кема аръёс ӵоже уртче улӥсь кузпалъёсты.
Семьялэсь нуналзэ нош ик туж шуныт пусйизы. Тӧр шорын луизы Главатских, Дерендяев но Лекомцев кузпалъёс. Нырысетӥосыз но кыкетӥосыз артэ 50 но 55 ар вамышъяло ни ке, куинетӥосыз 64 ар талэсь азьло семья кылдытӥзы.
Соослэсь огкылысь улыны дышетскизы егитъёс. Таосызлэн ваньмыз азьпалан ай, пӧлысьтызы тросэз али гинэ семья, нылпиос сярысь малпаськыны кутско.

ГЛАЗ

Пичиысен патриотъёс
Городысь нылпи садъёсы ветлӥсьёс туж мыло-кыдо пыриськизы «Вуоно кивоштӥсьёс — Россилэн патриотъёсыз!» шудонэ-вожвылъяськонэ.
Покчиос та праздниклы вазен ик дасяськыны кутскизы: дышетӥзы строен ветлон кырӟан, ӧтён (девиз) бырйизы, огкадь дӥсь вурытӥзы. Праздник дыръя ни котькуд командалы маршрут сётэмын вал: штабе вуытозь, пӧртэм куронъёсты быдэсъяно. Соос секытэсь ӧй вал. Вормисьёсты но та нуналэ ӧз быръе. Но покчиос али ик валаны кутскизы вордскем музъемзылэсь дунзэ.

УВА

Дасясько 1-тӥ сентябрьлы
Дышетскон ар ӧз йылпумъяськы на, нош ёросын дасяськыны кутскизы ни 1-тӥ сентябрьлы.
Интыысь бюджетысь талы 1 миллион 840 сюрс манет висъяны чаклазы. Куд-ог школаосын чыры-пыры тупатъян ужъёс ортчозы, Уваысь 9 номеро нылпи садлэсь но Поршур школалэсь липетсэс воштозы. Уваос оско: 3 но ӝыны миллион манет пала вуоз на элькун бюджетысь но — таиз кошкоз 2 школаысь спортзалъёсты выльдыны, спорт тӥрлык басьтыны. Интыысь бюджетэ ватсаса коньдон вуиз ке, сое но, пе, дышетон удыслы ик висъялозы.

ВАВОЖ

Тыриськонъёссы йыло
Ёросын улӥсьёслэн жилищно-коммунальной хозяйстволы тыриськонъёссы йыло.
Кылем арня вискын гинэ ЖКХ удысысь специалистъёс пумиськылӥзы Вавож черкогуртын но Нюрдор-Котья каргуртын улӥсьёсын — соос пӧлын валэктон уж нуизы. Зэм, кинъёслэн тыриськонъёссы трос люкаськемын, соос ик пумиськонэ ӧз вуэ. Озьы нимысьтыз ӧтем 20 мурт пӧлысь 7-ез гинэ веранэз пеляз понӥз.
Калыклы валэктэмын: шунытлы, тыллы, вулы тыриськонъёсты одно пытсано, сотэк судозь вуыны кема ӧвӧл.

АЛНАШ

70 «витьёсын» пумитазы
Кузёбай шор ёзо школаын «70 «витьёс» — мынам вормонэ» акция ялэмын вал.
Ӝыны ар куспын пиналъёс, Быдӟым Вормонлэн 70 ар тырмонэзлы сӥзьыса, ӟеч отметкаос басьтыны тыршизы. 8-тӥ мае Кузёбайын радъяськем митингын устоосызлы дышетскисьёслы сётэмын таукаронъёс но коньдон кузьымъёс. Сыӵе шудоос пӧлы шедизы 22 пиналъёс. Соос та вормонзэс сӥзизы асьсэлэн песятайёссылы но песянайёссылы.

Дасяз Валентина Емельянова

Удмурт Дунне
By Удмурт Дунне 26 мая, 2015 16:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<