Туэ 11 классэз быдтӥз 2 сюрс 630 дышетскись

Удмурт Дунне
By Удмурт Дунне 26 мая, 2015 15:36

OLYMPUS DIGITAL CAMERA11-тӥ классын дышетскисьёслэн туж кысык вакытсы кутскиз — 25-тӥ мае соос географияя но ӟуч литературая ЕГЭ гожтӥзы ни. 

Котьку сямен ик, выпускникъёс одно сётоно луозы ӟуч кылъя но математикая ЕГЭ. Соос чакламын 28-тӥ майлы но 1-тӥ, 4-тӥ июньлы. Математика туэысен кык турлы люкемын — та предметэз вылӥ дышетскон заведениын дышетыны чакласьёслы нимаз нунал тупатэмын.

Оглом экзаменъёс йылпумъяськозы 18-тӥ июне, но со бӧрсьы кӧня ке нуналъёс резервлы учкемын на. Отӥяз баллъёсты воштозы балъёс, аттестат басьтонъёс.

Дышетонъя но наукая министерстволэн ивортэмезъя, элькунысьтымы 478 нылъёс но пиос школазэс зарни медален йылпумъяны быгатозы.

— Кылем арын таӵеос 346 кузя гинэ вал, — пусйиз министерствоысь огъя тодон-валан сётонъя ёзэн кивалтӥсь Лариса Пластинина. — Соослы республикамылэн нимыныз зарни медаль сётӥмы.

Угось Москва куштӥськиз ни вал «зарни» выпускникъёсты медален шумпоттонлэсь. Но туэ со та ӟеч сямзэ нош ик берыктоно кариськиз. Бен, вылӥ дышетскон заведение пырыку, медаль уг мозмыты нылпиез ЕГЭ сётонлэсь. Но со лыдэ басьтӥськоз, абитуриентъёслэн огмында баллъёссы люкаськыку.

Эшшо шаерысьтымы школазэс медален йылпумъясьёс, озьы ик олимпиадаосын вормон басьтэмъёс, ЕГЭ-ез усто сётэмъёс, элькунысьтымы вузъёсы дышетскыны пыризы ке, вуоно дышетскон арысен стипендизы борды ватсаса быдэн 5 сюрс манетэн басьтозы.

Элина Кумачёва

 

Удмурт Дунне
By Удмурт Дунне 26 мая, 2015 15:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<