День Ро у «Бро»

Удмурт Дунне
By Удмурт Дунне 25 мая, 2015 15:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

,hj24-тӥ куартолэзе Ижысь Туала драматургияя но режиссурая Les Partisans центр «День Ро у «Бро» спектаклен пусйиз Иосиф Бродскийлэсь вордскем нуналзэ.

Та спектакль спиритической сеанс выллем луиз — вӧлдэтын лэйка езтылпульы , киын — сюсьтыл, нош учкисьёс борддор кузя пуко — ог-огзылэсь киоссэс кутысалзы ке, Бродскийлэсь лулзэ ӧтьыны луысал.

«День Ро у «Бро» спектакль Иосиф Бродскийлэн кылбуръёсызъя лэсьтэмын. Отын писательлэн улонзэ, сюлэмшугъяськонъёсыз усьтэмын. «Партизанъёс» Бродскийлэн биографиысьтыз тужгес но вӧсь карись люкетсэ возьматӥзы -1972-тӥ арын сое тунеядец шуо но кунгож сьӧры улляло. Кылбуръёсысьтыз луэ лыдӟыны, кызьы Бродскиез судъёстӥ кысказы, кызьы солэн странаысь кошкемез уг поты вал, кызьы со секытэн дышиз кунгож сьӧрысь улонлы. Озьы ке но писатель странаез вылэ ноку но ӧз йыркуръяськы, но вордскем палъёсаз но ӧз берытскылы. Вуылэ кӧня ке нуналлы, Нобель премилэн лауреатэз луэмез бере курылӥзы сое лыдӟисьёсыз. Бродский, пукон вылаз лэйкаса но дугдылытэк тамак пурккетыса, вазьылӥз: «Мон отын нокинлы кулэ ӧвӧл. Мыным но отын нокин кулэ ӧвӧл». Сыӵе ик мылкыдын пыӵамын вал спектакль но.

Мария Векшина

Удмурт Дунне
By Удмурт Дунне 25 мая, 2015 15:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<