ВИЧ сярысь. Лыдпусъёс

Удмурт Дунне
By Удмурт Дунне 18 мая, 2015 13:56

Яратонлы оскон ӧвӧл ке…

  • 3 Дуннеын ог 42 миллион адямилы ВИЧ-инфекция паласькемын, Россиын таӵеос 900 сюрс пала.
    Мукет улосъёсын ӵошатыса, элькунамы югдур пӧртэм ӧвӧл. Бен, Россиысь котькуд 100 сюрс мурт пӧлысь 495-езлы та кышкыт чер паласькемын ке, элькунамы котькуд 357-езлы. Но специалистъёс ало: таин буйгатскыны уг яра. Черламъёс кемалась вань котькуд ёросын, уката трос соос Камбарка, Глазов, Яр, Балезино палъёсын.
    Эшшо: вазен ВИЧ-инфекция вӧлме ке вал 20 аресозь егитъёс пӧлын, али солэн вотэсаз ӵемгес шедё 25-40 аресъемъёс.
  • 3 ВИЧ-инфекция паласькем мурт 4-12 аръёс ӵоже улыны быгатэ, висёнэз сярысь тодытэк. Собере мугорызлэн висёнъёсын нюръяськон кужымез быре — ВИЧ выже СПИД-э. Но СПИД-лэсь утиськыны луоз, эмъясьёслэсь куронъёссэс быдэсъяса, нимысьтыз эмъюмъёс юыса.
    3 ВИЧ-инфекциез, пыэдэз сямен, урамын, транспортын, одӥг ӵушкон, тусьты-пуньы пыр кырмыны уг луы. Со уг выжы пудо-животъёс, нымы-кибыос пыр.
  • 3 ВИЧ палаське нылкышноослэн но воргоронъёслэн матысь кусыпъёссы пыр, вир пыр но выжыны быгатэ анайлэсь нунылы (пинал вайыку).
  • 3 ВИЧ-лэн вирусъёсыз улыны быгато мугор пушкын гинэ. Кырын-бурын чидало кӧня ке минут ӵоже. Соин ик дӥсь борды, валес котыре пыӵам вир шапыкъёс кышкыт уг луо. Шапыкъёс куасьмо ке, вирусъёс но быро.
  • 3 Эмъясь доры вазиськондэ берлолы эн кельты, ачид яке кузпалыд наркотикъёсын кушласькиськоды ке. Озьы ик — яратонэдлы осконэд ӧвӧл ке. Тод: трос учыръёсы ачиз адями бордысь гинэ потэ, шедёз-а со черлэн вотэсаз.
Удмурт Дунне
By Удмурт Дунне 18 мая, 2015 13:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<