Удмуртиысь Быдӟым оже пыриськем депутатъёслы синпелет усьтӥзы

Удмурт Дунне
By Удмурт Дунне 8 мая, 2015 13:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

imgs-179217Быдӟым оже пыриськиз УАССР-ысь Верховной Советысь 60 депутат. Соосты буре вайыса, Кун Кенеш азе юнматэмын синпелет. 

Гранитлэсь синпелет лэсьтон мылкыд депутатъёс пӧлын вазенгес кылдӥз ни, кин кӧня быгатӥз уксё сётӥз. Ветеран депутатъёслэсь нимтулъёссэс утчан, улэм-вылэмзэс тодон бордын ужаз КГБ-ысь подполковник, писатель Николай Кузнецов. Котькудӥз сярысь тодыны луэ Кун Кенешлэн сайтысьтыз но.

— Верховной Советлэн нырысетӥ созываз 142 депутат вал. Соос пӧлысь 40 процентэз кошкиз фронтэ. Нырысь толэзьёсаз ик кияз пыӵал кутӥз Верховной Советлэн председателез Сергей Шутников. Пусъемын Горд Кизили орденэн. Быриз со, Польшаез фашистъёслэсь мозмытыкуз — синпелетэз усьтонын шуиз Кун Кенешлэн Тӧроез Владимир Невоструев. — Депутатъёс пӧлысь уноез Быдӟым ожын командиръёс вал. Кыкез, Александр Лушников но Валентин Широких, пусъемын Совето Союзысь Герой нимын. Туж тросэз сярысь туннэ данъяськыса вераны луэ. Шаерамы гажамон адямиос вал соос. Депутатэ но куд-огзэ огпол гинэ ӧз бырйылэ.

Синпелетэз усьтонын коть-кудӥз тодаз вайиз, дыр, аслэсьтыз атайзэ но песятайзэ. Владимир Невоструевлэн но атаез Быдӟым оже пыриськемын. 1942-тӥ арын фронтэ кошкыса, Вормон Нуна лозь ожмаськиз, кык пол сӧсыртэмын вал. Вордскем шаераз берытскыса, Удмуртиез азинтыны юрттӥз.

Вунэтыны уг яра улэп ветеранъёсты но. Вань кужыммес сётыны кулэ асьмеос соослэсь улонзэс капчиятон понна, шуиз Удмуртилэн Тӧроез Александр Соловьёв.

Елена Сараматова

Туспуктэм: Кун Кенешлэн пресс-службаез

Удмурт Дунне
By Удмурт Дунне 8 мая, 2015 13:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<