Кузебай Герд нимо гимназиысь пиналъёс Михаил Покчи-Петровлэсь шайвылзэ утялтӥзы

Удмурт Дунне
By Удмурт Дунне 7 мая, 2015 09:48
поздеев

Памятникез вужмемын. Озьыен, татчы кемалась нокин пыдзэ ӧз лёгалля.

Ижысь Кузебай Герд нимо гимназиын пиналъёс но дышетӥсьёс, Быдӟым Вормонлы 70 ар тырмонлы сӥзьыса, трос ужрадъёсы пырисько.

10-тӥ «б» но 6-тӥ «б» классъёсысь пиналъёс алигес утялтӥзы Ижысь Нагорной шайвылэз. 10-тӥ «б» классысь Даниил Поздеев ужамзы сярысь капчи мылкыдын вера:

— Классысьтымы дышетскисьёсын ӵош малпамы бырем солдатъёслэсь шайгуоссэс утялтыны. Интернет пыр утчаськимы. Тодӥмы: Ижысь Нагорной шайвылын трос солдатъёс кыллё.

Пиналъёс абдраллям: шайвылын ватэмын удмурт кылбурчи, режиссёр но актёр Михаил Петрович Покчи-Петров. Памятникез вужмемын. Озьыен, татчы кемалась нокин пыдзэ ӧз лёгалля.

— Ми, кӧня быгатӥм, утялским со дорын, — шуэ Даниил. — Кенешим: нош ик татчы вуылом. Собере пырим мургес. Вамышъяськом бырем ожгарчиослэн шайгуоссы вискытӥ. Ма мында соос! Вань на меда таосты тодазы вайисьёс? Нимтэм ожгарчиослы памятник котырысь силёзэ утялтӥм. Табере ужмы адске — котырак чылкыт луиз. Калыклэсь культуразэ, пе, шӧдыны луэ, шайвылъёссэ адӟыса. Макем соос чылкытэсь, сокем вылӥын культура. Нагорной шайвылын туннэ чылкыт!

Дышетскисьёсты та ужрадэ ӝутказ гимназиен кивалтӥсьлэн воспитаниея воштӥсез Татьяна Швецова. Азьвыл аръёсы Вормон Нуналэ Ялан ӝуась тыл доры сяська керттэт гинэ тырылӥзы ке, туэ 9-тӥ Маез паськытгес пусйыны кариськизы.

— Ми туж паймимы, сыӵе бадӟым праздник азьын та шайвыл утялтэмын ӧвӧл шуыса, — вера Татьяна Швецова. — Чылкытатӥськыны одӥг мурт но ветлэмын ӧвӧл! Ярам, пиналъёсмы мыло-кыдоесь. Та арня вискын ортчиз на Вормонлы сӥзем парадмы. 4-тӥысен 11-тӥ классозь нылъёс-пиос кырӟазы-веразы, строен вамышъязы.

Ольга Корепанова

Туспуктэм: Даниил Поздеев

Удмурт Дунне
By Удмурт Дунне 7 мая, 2015 09:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<