«Вормон поезд» вуылӥз Ижкаре

Удмурт Дунне
By Удмурт Дунне 6 мая, 2015 14:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
фото Карипов Э NIK_9038

Поездлэн вагонъёсыз но Быдӟым войнаен герӟаськемын: отысь адӟыны кылдӥз ож вакытысь техникаез, пӧртэм арбериосты, котькудӥз чеберъямын сяськаосын-гирляндаосын, война вакытысь туспуктэмъёсын, плакатъёсын.

Горьковской чугун сюрес кузя ширтӥз Быдӟым Вормонлы сӥзем поезд — сое сьӧраз валтӥз ож вакытысь кадь паровоз. Поездлэн пассажиръёсыз — Быдӟым оже пыриськем но быдэс улонзэс чугун сюресъёсын тыршем ветеранъёс. «Вормон поезд» кемалась ик ӧвӧл вуылӥз Иже.

Со ортчиз Кизнер, Можга, Сарапул станциос пыр, нош Ижын сое сӥё-дано пумитазы чугун сюресъя вокзалын. Поездлэн вагонъёсыз но Быдӟым войнаен герӟаськемын: отысь адӟыны кылдӥз ож вакытысь техникаез, пӧртэм арбериосты, котькудӥз чеберъямын сяськаосын-гирляндаосын, война вакытысь туспуктэмъёсын, плакатъёсын.

— Быдӟым Вормонэз дуронэ, асьсэды жалятэк, пыриськизы чугун сюрес вылын тыршисьёс но, — ужрадэ люкаськемъёслы вазиськиз Тӧро Александр Соловьёв. — Ӧз кышкалэ соос ыбылонъёслэсь но, пуштонъёслэсь но — озьы матэктытӥзы Вормон Нуналэз. Музъемозь ик йыбырттӥськом соослы. Шуныт кылъёс вераме потэ «Вормон поездэз» радъясьёслы но: со пыр адӟыны быгатӥськомы кунмылэсь историзэ, война вакытысь техникаез. Песятайёсымлэн-атайёсымлэн подвигзы ноку уз вуны! — шуиз со.

«Вормон поездэз» пумитанэ пыриськизы чугун сюресъёслэн Горьковской ёзысьтыз кивалтӥсьёс: соос синпель кузьымъёсын пусйизы Быдӟым оже пыриськем ветеранъёсты. Люкаськемъёс учкизы шулдыр концерт.

«Вормон поезд» сюрессэ йылпумъя туннэ Нижний Новгородын. Удмурт шаертӥ сяна, со ортчиз Приволжск федерал округысь мукет улосъёстӥ но. Котькытын та дано поездэз пумитазы капчи мылкыдын, кырӟан-веранъёсын.

Сергей Захаров  

Туспуктӥз Э. Карипов

Удмурт Дунне
By Удмурт Дунне 6 мая, 2015 14:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<