Кызьы будэтоно кивалтӥсез?

Удмурт Дунне
By Удмурт Дунне Май 5, 2015 11:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
кадр

Кадръёсъя резерв 10 процентлы кулэсмиз: резерве пыртэмъёс кылем арын 249 мурт лыдъяськизы ке, туэ — 223.

Люкаськылӥз Кадръёсъя политикая кенеш. Ужрадэ пыриськиз элькунлэн Тӧроез Александр Соловьёв.

6 ар тырмиз ни Удмурт Республикалэсь кадръёсъя резервзэ кылдытэм дырысен. Отчы пыртэм муртъёс туэ выльысь эскеремын вал. Озьы список 10 процентлы кулэсмиз: резерве пыртэмъёс кылем арын 249 мурт лыдъяськизы ке, туэ — 223. Со вие ик та список 27 процентлы выльдӥськиз: 60 мурт резерве пыртэмын нырысьсэ.

223 адями пӧлысь 142 адями пыртэмын интыосысь кивалтонъя ёзъёсысь кивалтӥсьёслы но соослэн воштӥсьёссылы тупасьёс пӧлы, 13 муртлэн арлыдыз 30 аресозь вуэмын ӧвӧл ай — таосыз шедизы егитъёслэн резервазы.

Кенешын пусйизы: Приволжск федерал округысь улосъёсын ӵошатыса, кивалтӥсе пуктыны тупамон кадръёс ласянь Удмуртиын югдур умой. Но малпаськыны муг вань: 6 ар куспын резервысь 70 мурт, яке 4,1 процентэз гинэ, кивалтонэ ӧтемын вал. Югдурез тупатон понна нырысь ик, резерве шедьыны мылкыд карисьёс пӧлын ӵошатсконэз шара радъяно но тужгес устооссэ быръёно. Кыкетӥез, та шыкысэ пыртэм муртъёсты кышкатэк кысконо кивалтонъя ёзъёсы, пусйиз Тӧро Александр Соловьёв. Та ласянь ушъяны луысал электромеханикая «Купол» заводэз — егит специалистъёслы юрттӥсько арлыдо ужасьёс, егитъёслы чакламын стипендиос но стажировкаос, улон условиоссэс ӟечомытыны юрттэт. «Куполъёслэсь» адӟем кароно вылэм мукет огазеяськонъёслы но, пусйиз Тӧро.

Сергей Захаров

Туспуктэм: 

Удмурт Дунне
By Удмурт Дунне Май 5, 2015 11:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<