Арлэн адямиез — 13 аресъем Виктория Евстафьева

Удмурт Дунне
By Удмурт Дунне Апрель 30, 2015 11:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
"Арлэн адямиосын"

«Арлэн адямиосын»

«Известия Удмуртской Республики» газет арлы быдэ «Арлэн адямиосыз но учыръёсыз» ужрад ортчытъя. Лыдӟисьёс пӧртэм номинациосъя устооссэ пусъё.

Кылсярысь, 2014-тӥ ар понна ӵектэмын вал тужгес нимо-дано луэм адямиез, учырез, предприятиез, проектэз, кичӧлтонэз пусйыны. Кыкетӥ арзэ ини та ӵошатсконын тужгес но висъяське «Гурт адями» номинация — тазэ «Известиысь» эшъёсмы милесьтым асэстӥзы. Ми лыдъяськом, усто гуртоосты 2 полэс данъян сьӧлык уз луы. Озьы туэ асьме газет пыр но вормемъёсты — Эгра ёросысь Татьяна Мосоваез но Якшур-Бӧдья ёросысь Маргарита Козыреваез — калык премиен пусйыса, ӟечкылаз элькунысьтымы гурт удысъя но сиён-юонъя министр Сергей Токарев.

Нош «Арлэн адямиез» луиз Ува ёросысь нылаш Виктория Евстафьева! Со ортчиз тодмо актёрез но, устозэ школа директорез но, калыккуспо ӵошатсконъёсын вормылӥсь фигуристкаез но! Со возьматэ: улонын тужгес дуноез — адямилэн улонэз! Угось 13 аресъем Вика тыл пушкысь поттӥз сузэрзэ но вынзэ. Пичи нылаш ӧз куалекты, аслэсьтыз сяна, эшшо 2 адямилэсь улонзэ утиз. Со понна Виктория пусъемын «За отвагу на пожаре» медален.

Люкаськемъёс озьы ик кужмо чабизы удмурт следж-хоккеистъёслы — Россилэн сборноеныз соос Паралимпиадаын «азвесь» утӥзы.

— Тӥни кинлэсь адӟем карыны кулэ, номыр шоры учкытэк, соос уг чигтӥсько, — шуиз Кун Кенешлэн Тӧроезлэн воштӥсез Светлана Кривилёва. — Тросэзлы таза муртъёслы сямзэс кыдатыны дышетсконо ай таӵе адямиослэсь.

Вормисьёс чотын озьы ик Правительстволэн Тӧроез Виктор Савельев («Арлэн назначениез»), «Калашников» концерн («Устоез предприятие»), «Усьтэм Правительство» ужрад («Устоез проект») но мукет.

Та премия кун награда ӧвӧл ке но, пусъем адямиос сое туж вылӥ дунъяло, угось калыклэн гажамез куддыр трослы дуногес.

Ольга Зорина

Туспуктӥз Павел Шрамковский

Удмурт Дунне
By Удмурт Дунне Апрель 30, 2015 11:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<