Можга педколледжез национальной кадръёсты дасянъя центрлы пӧрмытозы

Удмурт Дунне
By Удмурт Дунне 28 апреля, 2015 15:04
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
М

Асьмелы дышетонъя юн база кылдытоно, соя капчиен дасяны мед быгатомы, кылсярысь, бигер но пор школаослы дышетӥсьёсты. Валамон: удмурт дышетӥсьёсты дасянъя программа борды пыкиськыса, ужано.

Можгалась педколледж туннэ огназ удмурт школаослы начальной классъёслы дышетӥсьёсты дася. Уно аръёс ӵоже 12 сюрс специалист поттӥз ни.

Педколледжын туннэ 360 студент дышетске. Со сяна, 89-эз — заочно амалэн. Ваньзы соос удмурт кылэз дышето. Берло дыре трос вераськонъёс ветло, педколледжез национальной кадръёсты дасянъя центр кароно шуыса. Специалистъёсты поттон сяна, татын ик луыны кулэ дышетӥсьёслэсь тодон-валанзэс будэтон но. Та визьнодасьёслы бадӟым юрттэт луысалыз. Со сяна, оло, школае ужаны мынӥсьёс но трослы йылысалзы. Арня кутсконын та пумысен Кун Кенешысь Наукая, дышетонъя, культурая но егитъёсын ужан политикая комиссие пырись депутатъёс люкаськылӥзы. Педколледжлэн директорез Николай Пискунов пумит ӧвӧл кадръёсты дасянъя центрлы. Но со понна котыр ласянь выльдӥськон ортчытоно. Лекциос ортчытъянъя залэз тупатъяно, рос-прос лэсьтоно нылпи садэ ветлӥсьёсын ужанъя комнатаез. Эшшо ке дышетӥсьёслэсь штатсэс йылтоно. Сотэк педколледжлы секыт но ёркыт луоз.

Центр кылдытон ласянь мылкыдъёсты умоен лыдъяз Дышетонъя но наукая министерство. Асьме республикаямы удмуртъёс гинэ уг уло. Соин ик трос выжыё калыкъёслэсь анай кылзэс но культуразэс утён пумысен но сюлмаськоно. Тае лыдэ басьтыса, комиссиен кивалтӥсь Наталья Сударикова шуиз:

— Асьмелы дышетонъя юн база кылдытоно, соя капчиен дасяны мед быгатомы, кылсярысь, бигер но пор школаослы дышетӥсьёсты. Валамон: удмурт дышетӥсьёсты дасянъя программа борды пыкиськыса, ужано. Кадръёслы кулэяськисьёс вань. Соин ик дась луоно выль сямен берганы.

Елена Сараматова

Удмурт Дунне
By Удмурт Дунне 28 апреля, 2015 15:04