Жуг-жаг пӧлы ум вые-а?

Удмурт Дунне
By Удмурт Дунне Апрель 28, 2015 15:21
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
мусор

Котькудмылы дышетсконо нимаз висъяны пластикез, пиялаез, бумагаез, сиён-юонэз но мукетсэ. Котькудзэ нимаз мульдае тыримы ке, кыӵе каньыл луоз.

Арлы быдэ шаерамы люкаське 1,5 миллион тонна жуг-жаг. Котькуд адямилы — быдэс тонна! 70 процентэз жаг гурезьёс ӝужало, асьмеос куяськемен.

Туннэ шаерамы 14 жаг полигон гинэ куронъёслы тупа. 68-эз улэ музъем висъямын лыдъяське ик, жуг-жаг но отчы нулло, но куронъёслы уг тупало. Со сяна, 500 «гурезь» кылдэмын кытчы сюрем отчы, асьмеос «кушто ай, нокин уз адӟы» шуэмъя. Но нокин со зын гурезьёс понна кыл уг куты. 16 ёросын воксё но юромо чакласа лэсьтэм жаг куян интыос ӧвӧл. Ма, полигонлы проект лэсьтон гинэ ог 60 миллион манет тыр усе. Кытысь ёросъёслэн сомында коньдонзы?

Матысь дыре Можгалан, Камбаркаын но Уваын кылдыны кулэ ик жаг полигонъёс. Пичи Пурга но Балезино ёросъёсын лэсьтыны чакламын жагез сортъёслы люкылӥсь станция. Но Кун Кенешысь Гурт удысъя, музъем кусыпъёсъя но инкуазез утёнъя ялан ужась комиссиен кивалтӥсь Владимир Варламов верамъя, станциос ӝутыса гинэ, югдурез уд тупаты.

— Нырысь ик визьмес берыктыны кулэ. Котькудмылы дышетсконо нимаз висъяны пластикез, пиялаез, бумагаез, сиён-юонэз но мукетсэ. Котькудзэ нимаз мульдае тыримы ке, кыӵе каньыл луоз, — шуэ Владимир Сергеевич. — Но асьмелэн вирамы пыӵамын ни ваньзэ огазе согыны. Соин ик музъем вань жагез сисьтыны уг пӧрмыты. Туннэ асьмелы дышетсконо вылэм ю тысьлэсь но картошкалэсь крахмал поттыны. Со крахмаллэсь пакетъёс, упаковкаос лэсьто, сыӵе арбери музъемын ар ӵоже сылме. Куд-ог улосвылъёсын сыӵе упаковка лэсьтӥсь заводъёс ӝуто! Туж кулэ вылэм асьмелы но. Асьмелэн картошка будэтонэн вырись бадӟымесь хозяйствоосмы ӧвӧл, фермеръёс гинэ со удысын бергало. Соос ӝутозы шат завод?

Жуг-жаг пӧлы ик ум вые-а? Иж город шорын ик, Карл Маркс ульчаын, интыяськемын жуг-жагез утялтонъя станция. Улоно коркалэсь 200 метрын гинэ со. Зын потэ, котыраз тылобурдоос гожеръяло. Туннэ со станция вылэ судэ сётэмын. Владимир Варламов оске: суд дурбасьтоз калык пала, станциез пытсалоз.

Елена Сараматова

Туспуктэм: vk.com

Удмурт Дунне
By Удмурт Дунне Апрель 28, 2015 15:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<