Братиналэн кубокез понна нюръяськон азьлантӥське

Удмурт Дунне
By Удмурт Дунне 22 апреля, 2015 13:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
ижсталь

21-тӥ апреле шудон 4:3 лыдын йылпумъяськиз. Вуоно шудонзы ортчоз 23-тӥ апреле Нефтекамскын.

Хоккеен шудонъя ВХЛ-лэн чемпионатэзлэн финалэз 21-тӥ апреле луыны быгатысал, «Торос» команда «Ижсталез» вормысал ке. Но шудон азьланьтӥськоз на.

Берло 2 пумиськонзэ «Ижсталь» ортчытӥз Нефтекамскын, кыксэ ик шудонэз келяз. Удмуртиысь хоккеистъёс куноысь куашкам мылкыдын бертӥзы ке но, 21-тӥ апреле ас доразы шудонын туж йӧно адскизы.

Нырысь шудонэз киултӥзы вал Удмуртиысь хоккеистъёс, нош 3-тӥ люкетаз азьпала потӥзы куноос. Соослы юрттӥз, вылды, «Ижсталь» командаысь капка возьмасьлэн Сергей Костенколэн малпамтэ шорысь шуккиськемез. Эмъясьёс солы нырысетӥ юрттэт сётӥзы ке но, йӧ вылэ потоно луиз 2-тӥ вратарь Антон Кислицын. Со «шунаны» вырытозь, асьме капкае бӧрсьысь бӧрсе шайбаос пыразы. Шудон йылпумъяськытозь, 1 минут но ӝыны кылемын, «Торос» 3:2 лыдын ворме. «Ижсталь» команда юн сямзэ возьматӥз: шудонлэсь лыдзэ ӵошкытатыны но собере азьпала потыны быгатӥз. 21-тӥ апреле шудон 4:3 лыдын йылпумъяськиз. Вуоно шудон ортчоз 23-тӥ апреле Нефтекамскын. «Торос» вормиз ке, Братина кубокез утоз, нош «Ижсталь» ке — шудон азьланьтӥськоз 25-тӥ апреле Ижын.

Валентина Емельянова

Туспуктэм: vhlru.ru

Удмурт Дунне
By Удмурт Дунне 22 апреля, 2015 13:26