УдГУ-ын удмурт диктантэз гожтӥз 69 адями

Удмурт Дунне
By Удмурт Дунне 22 апреля, 2015 08:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
буд

Диктантэз гожъясьёс пӧлын тросгес егитъёс. Но вань арлыдоосызгес но.

Бадӟым удмурт диктант туэ 4-тӥзэ ортчиз. Зэм, нырысь сое радио пыр гожъязы. Бӧрысь гинэ, парта сьӧры пуксьыса, текстэз улэпкын гожтыны луонлык кылдӥз.

Туэ удмурт кылын шонер гожъяськонэз эскерыны 1 инты гинэ усьтэмын вал — Удмурт кун университет. Кылем арын ужаз 4 инты, кытын 150 пала мурт диктант гожтӥз. Туэ УдГУ-э 69 адями гинэ люкаськиз. Диктантэз гожъясьёс пӧлын тросгес егитъёс. Но вань арлыдоосызгес но. Михаил Лошкин Ижысь пенсионер, кема аръёс ужаз водитель луыса. Таӵе ужрад сярысь ортчоно дырызлэсь 2-3 нуналлы азьлапал гинэ кылӥз но удмурт кылын шонер гожъяськыны быгатэмзэ эскеремез потӥз. Воргоронэз улон сюресэз 41 арлы кунгож сьӧры вуттылӥз, но удмурт выжыосыз выльысь вордӥськем палъёсаз кыскизы.

— Мыным анай кыллы яратон но гажан мылкыд пыӵатӥз дышетӥсе, тодмо писатель Олег Поскрёбышев. Солэсь визьнодамъёссэ шунытэн тодам вайисько, — шуэ М. Лошкин.

Диктант гожтӥзы кунгож сьӧрысь куноос но — Эрика Асталош, Мирела Мазур но Тина Фрикке. Польшаысь Мирела Мазур 3-тӥ арзэ ни удмурт диктантэ пыриське. Тужгес секыт вал, шуэ нырысьсэ гожъяны, уката со герӟаськемын вал тылобурдоослэн нимъёсынызы. Но пумен кылыз вӧляз, соин туэ сокем ӧй курадӟы ни, пе.

Удмурт кун университетысь филологияя факультетысь студентъёс Людмила Шкляева но Олеся Фёдорова ужрадэз ортчытыны юрттӥсьёс. Соос тросгес адямиосты татчы кыскыны тыршизы. Со понна матэктӥсь ужрад сярысь флаеръёс сётъязы, ялонъёс лякылӥзы. Асьсэос но диктантэз гожтонэ пыриськизы.

— Диктант гожтонлэсь секытгес вал адямиосты та ужрадэ кыскыны, маин ке соосты гочатыны. Тамында калык люкаськемысь шумпотӥськом, ужмы юнме ӧз луы.

Диктантэз радъязы Удмурт кун университет, Юмшан промо, Мария Золотарёва но Алексей Шкляев. М. Золотарёва верамъя, одӥг площадка гинэ ужамен диктант гожъясьёс, кылем арын сярысь, ӧжытгес.

— Ужмы ӟечгес мынысал радъясьёс борды Нациосын ужан политикая министерство итӥськысал ке, — шуэ Мария Золотарёва.

Алексей Шкляев вуоно диктантэз паськытатон сярысь мылкыдзэ вераз. Диктант гожъяны площадкаос мед усьтӥськысалзы котькуд ёросын. Нош радъясьёс но калыкез ӝуткасьёс газетчиос луыны быгатысалзы, пе.

Ангелина Снегирёва

Туспуктӥз Мария Золотарёва

Удмурт Дунне
By Удмурт Дунне 22 апреля, 2015 08:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<