«Эльныл» ортчоз вашкала интыын

Удмурт Дунне
By Удмурт Дунне 16 апреля, 2015 10:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

эльныл16-тӥ оштолэзе 19 часын Ижысь Генерал юртын ортчоз йӧскалык модалы сӥзем «Эльныл» ужрад. Туэ со 3-тӥзэ радъяське ни.

Фестивалез радъясь, удмурт модая «Mademoiselle Oudmourte» агентствоен кивалтӥсь Дарали Лели котькуд ар калыкез маин ке но паймытыны турттэ. Туэ модалиос пӧлын нырысьсэ луозы пиос. Соос воргоронлы вурем туала дэремъёсты адӟытозы. Озьы ик модалиос пӧлын уз луы вожвылъяськон. Тодады вайытом, кылем аръёсы тужгес но усто модалиос луизы вал Ирина Игнатьева но Дарина Якимова.

— Генераллэн юртаз азьвыл пӧртэм балъёс ортчытъязы, — вера Дарали Лели. — Соку отчы Ижкарысь тужгес но тузӥ нылкышноос но пиосмуртъёс ветлылӥзы. Али но, малпасько, та вашкала инты шумпотыса пумиталоз аспӧртэмлыко дизайнеръёсты но модаен тунсыкъяськись адямиосты.

Фестивале люкасько Удмуртиысь тужгес но азинлыко но аспӧртэмлыко дизайнеръёс. Соос пӧлын Al’bina Nikolaeva, Вера Кузнецова, Татьяна Москвина, Полина Кубиста. Лыктэмъёсты паймытыны турттэ Брангуртысь Александр Пилин. Со гынлэсь вурем изьыоссэ калыке поттоз. Ас бордаз кыскозы Зоя Лебедевалэн удмурт дэремъёсыз. Озьы ик татысь адӟыны луоз Кудымкарысь «Горт» студилэсь «Йöв» («Йӧл») етӥн басмалэсь вурем дэремъёссэс но «Вöр» («Тэль») коллекциосысь коми пужыосын футболкаоссэ. Фестивальлыфин-угор шӧм пыртоз Сыктывкарысь «Югыд-арт» модая студия но.

«Эльныл» фестиваль возьматоз, кыӵе ымнырыз йӧскалык модалэн.

Мария Векшина

 

Удмурт Дунне
By Удмурт Дунне 16 апреля, 2015 10:18