Куасэн бызьылонъя спортъя мастеръёс кубок понна ӵошатскизы

Удмурт Дунне
By Удмурт Дунне Апрель 13, 2015 08:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Куасэн бызьылон спортъя мастер А.Байков

Куасэн бызьылон спортъя мастер А.Байков

Дуннеысь куасэн бызьылонъя спортъя мастеръёслэн кубок понна нюръяськонзы туэ Коми Республикаын ортчиз. Бадӟым ӵошатсконэ ӧтемын вал Удмуртиысь 2 спортсмен: Ижысь Андрей Абрамов но Дэри ёросысь Александр Байков.

Россиысь сяна, ӵошатсконэ пыриськизы Австриысь, Германиысь, Эстониысь, Швейцариысь, Норвегиысь но мукет странаосысь куасэн бызьылӥсьёс. Шаерысьтымы Андрей Абрамов но Александр Байков, спортъя мастеръёс сяна, луо на Россиысь Куасэн бызьылыны яратӥсьёслэн клубзылэн ёзчиосыз. Сыктывкар городын ӵошатсконъёс 10 нунал ӵоже кыстӥськизы, Удмуртиысь спортсменъёс 3 пол стартэ потазы: 10, 30 но 45 иськеме бызьылӥзы.

Шумпотоно, 10 иськеме эркын амалэн бызьылонын быдэс пьедесталэз Россиысь спортсменъёс басьтӥзы, 3-тӥ интые ӝутскиз Дэри ёросысь Ожмос гуртысь Александр Байков, Андрей Абрамов 4-тӥ интые кылиз.

— Ужрадэз радъясьёс куасэн бызьылонъя праздник ортчытӥзы, — шуэ Александр Байков. — Спортъя мастеръёс пӧлын куасэн бызьылонъя ӵошатскон арлы одӥг пол луэ пӧртэм странаосын. Соин ик тросэз спортсменъёс ог-огзэс њеч тодо. Дуннеысь куасэн бызьылӥсьёс пӧлын нырысьсэ кужымме эскерыны кылдӥз, пьедесталын медаль сётон дыръя странамылэсь флагзэ ӝутӥзы, гимн шудӥз — сюлэм шумпотонэн тыриз.

30 но 45 иськеме бызьылонын А. Байков 6-тӥ инты басьтӥз. Спортсменъёслэн ваньмон дырзы но пайдалыко радъямын вал. Пумиськон ортчем Олимпиадаын 4 пол зарни медаль басьтэм спортсменкаен Раиса Сметанинаен. Спортсменъёс Сыктывкар городэн тодматскиллям, музейёссы пыраллям.

Бадӟым ӵошатсконысь туй медален бертэм А. Байковез Дэри ёросын сӥё-дано пумитаз Дэри ёрос администрацилэн йырыз Михаил Четкарёв.

Мария Бегишева

Туспуктэмез авторлэн

Удмурт Дунне
By Удмурт Дунне Апрель 13, 2015 08:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<