Адями кадь улэпесь

Удмурт Дунне
By Удмурт Дунне Апрель 13, 2015 10:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Эдейгуртысь З. Николаева

Эдейгуртысь З. Николаева

Пичи Пурга черкогуртысь искусствоосъя школаын «Пурга мунё» 1-тӥ ёрос фестиваль ортчиз.

Ужъёссы пӧлысь адӟыны луэ удмуртъёсты, ӟучъёсты, бигеръёсты, поръёсты… Мунёоссы пырак улэпесь кадь, куд-огез мырк-мырк шоре учко, мукетъёсыз мыняло. Пӧлазы вань куролэсь, басмалэсь, пластилинлэсь, пулэсь лэсьтэмъёсыз. Паймытэ чӧльы кадь пичиез но, шоро-куспоез но, адями ӝуждаез но. Котькуд мунёлэн аслаз сямыз, дӥськутэз но выросъёсыз, адямилы кыӵе ке но адскисьтэм кужым сёто. Юнме-а нылпиос соосын шудо!

Ужрадэ вуылӥзы Брангуртысь песянайёс.

— Ми пичи дыръя мунёос ӧй вал, — синкылиоссэ ӵушылыса ик, улэм-вылэмзэ тодаз вае Галина Конева. — Ми, соосты асьмеос пулэсь, басмалэсь лэсьтылыса но вурылыса, шудылӥмы. Нош табере кыӵеез но ӧвӧл: вераськисез но, бӧрдӥсез но, кырӟасез но. Мынам лэсьтэм мунёосы дуннелэн кыӵе гинэ сэрегъёсаз вуэмын ӧвӧл ни, дыр. Соосты Англие, Америкае, Эстоние, Финляндие келялляй.
Эдэйгуртысь Зоя Николаева но Мария Селивёрстова — арлыдо нылкышноос ини. Нош мунёен шудэмысь, соосты лэсьтэмысь но дӥськутъёс вуремысь-керттэмысь али ке но ӧз дугдэ на. Ужрадэ пыриськемъёс пӧлысь соос тужгес но арлыдоосыз луо.

Нош Пичи Пурга черкогуртысь 12 аресъем инвалид Надя Дерюгина кыӵе гинэ мунёос уг лэсьты! Соосты эшъёсызлы но ӵыжы-выжыосызлы жалятэк кузьма.

Паймытӥз басма кесэгъёслэсь туала амалъя вурем дэремъёсын адӟытон. Соосты вуриллям Пичи Пургаысь усточиос Т. Москвина, З. Лебедева, И. Рыкова но Вуж Мӧнья гуртысь кибашлыослэн юртазы ужасьёс.

Ужрадэ 15 муниципал кылдытэтысь 130 адями пыриськиз. Адӟытонэ ваньмыз-ӧвӧлэз 230 турлы мунёос ваемын вал, куд-огез мунёослэсь быдэс композиция малпаллям. Соос шоры учкыса, мылкыд ӝутӥське, тани-тани ачид но сыӵе ик мунё кылдытод кадь.

Фестиваьын усточиос мастер-классъёс ортчытӥзы. Фестивале лыктэмъёс ваньзы мунё лэсьтыны дышетскизы.

Любовь Тихонова

Туспуктэмез авторлэн

Удмурт Дунне
By Удмурт Дунне Апрель 13, 2015 10:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<