«Ижсталь» шудоз ВХЛ-лэн чемпионатэзлэн финалаз

Удмурт Дунне
By Удмурт Дунне 10 апреля, 2015 12:51
ижсталь

Билетъёслы сылӥсь адямиос.

Шаерысьтымы «Ижсталь» команда нырысьсэ шудоз ВХЛ-лэн чемпионатэзлэн финалаз. Бадӟым нюръяськон ортчоз Ижысь Йӧ дворецын 13-тӥ-14-тӥ апреле.

Хоккеен шудон нуналъёсы Йӧ дворец азе трос калык люкаське. Полуфиналын шудон дыръя аспӧртэмлыко рекорд пуктэмын вал: 800 билет 9 минут куспын вузамын. Тросэз адямиос хоккее мыно Андрей Разин валтӥсь тренерез учкыны. Кылсярысь, Тверьын, «Ижсталь» ТХК командаен шудыку, тренеръёс мыжгаськыны кутскизы. Та учыр бере кыксэ ик тренеръёсты 3 шудонлэсь палэнтӥзы но быдэн 190 сюрс манет тыриськон лякизы. Со сяна, кыкетӥ тренермылы Олег Леонтьевлы 90 сюрс манет, нош командамылы 400 сюрс манет тыр штраф сётэмын.

Андрей Разин судьяосын лек вераськемез понна 2014-тӥ арын ноябре 100 сюрс манет штраф тырем но 2 шудонлы палэнтэмын ни вылэм. Озьы-а, тазьы-а, но хоккеистъёсмы финалозь вуизы. Асьме спортсменъёс кубок понна нюръяськозы Нефтекамскысь «Торос» командаен. Билетъёс вузаны кутскемын 9-тӥ апрельысен, одӥг кие 4 билет сётӥське. Командаос куспын нюръяськон мыноз, 4 вормон басьтытозь. Кызьы ивортӥз «Ижсталь» командалэн пресс-атташеез Сергей Березин, шудонэз тросгес калык учкыны мед быгатоз шуыса, 13-тӥ но 14-тӥ апреле Йӧ двореце ватсаса 3 рад пуконъёс пуктозы.

Вылӥ хоккей лигаын шудӥсьёс Братина кубок понна нюръясько. Азвесьлэсь лэсьтэм кубок зарниен но пуэн чеберъямын, 19 килограмм пала кыске. Та кубокез утыны удалтӥз ай 5 командалы гинэ: быдэн 2 пол вормизы Нефтекамскысь «Торос» но Ханты-Мансийскысь «Югра» командаос, одӥг пол — Воскресенскысь «Химик», Тюменьысь «Рубин», Казахстанысь «Сарыарка» командаос. Кубокез сёто вормись командалэн капитанэзлы, сое быдэс ар команда дораз возе.

14-тӥ апреле зарнивуам кубокез Ижевске ваёзы но Йӧ двореце, «Ижстальлэн» данъян галереяез доры, пуктозы. Шудон кутскемлэсь часлы азьвыл вань мылкыд карисьёс кубок дорын туспуктэме пуксьыны быгатозы.

Валентина КУТУЗОВА

Удмурт Дунне
By Удмурт Дунне 10 апреля, 2015 12:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<