Крезьгур суралтӥсьёслэн вожвылъяськонзы

Удмурт Дунне
By Удмурт Дунне 9 апреля, 2015 09:20

11-тӥ оштолэзе 21 часын Алнашысь культурая юртын егит диджейёс куспын нюръяськон ортчоз.

Вожвылъяськонэ пыриськыны мылкыд каризы ни Игра, Дэбес но Алнаш ёросъёсысь 4 кузя егит диджейёс. Соос пӧлын Дэбес ёросысь Зар-Медла гуртысь Николай Тутаев.

— Конкурсэ пыриськыны монэ ӧтиз ачиз радъясь — Алнашысь тодмо ди-джей Дима Митрошин, — вера Николай Тутаев. — Та конкурслы юри гожтӥ выль кырӟанъёс. Малпасько, калыклы соос яралозы шуыса.

Диджейёс возьматозы, макем умой соос быгато кырӟанъёсты бӧрсысь бӧрсе вошъяны, эктыны мылкыдэз ӝутыны но асьсэзыс котыр ласянь возьматыны. Егит диджейёслэн крезьгуръёсазы 5 удмурт кырӟанъёс выль сямен чузъяськозы.

Тужгес устоез крезьгур суралтӥсь калыкез Герберын, «Шунды» огазеяськонлэн азбараз, крезьгур миксъёсыныз шулдыртоз.

Тодады вайытӥськом, Гербер таяз арын ортчоз Кез ёросын.

Удмурт Дунне
By Удмурт Дунне 9 апреля, 2015 09:20