Калмез — шыпыт шур

Удмурт Дунне
By Удмурт Дунне Апрель 7, 2015 08:43
029457,природа,времена года,весна,вода,река Иж,паводок

Кылем арын Калмез вылысь йӧэз пуштытъязы вал ке, туэ йӧ зол кынмемын ӧвӧл, бусыосын лымы ӝыны метр гинэ кылемын

Бадӟым тудву Сьӧлта ёросын уг луылы, Калмез шур гинэ куд-ог дыръя сюлмаськонъёс кузьма.

Удмуртиысь Кышкыт учыръёсъя но граждан обороная министерстволэн Сьӧлта ёросысь ёзэныз кивалтӥсь Александр Зорин верамъя, туэ тулыс ёросын шыпыт луыны кулэ.

Кылем арын Калмез вылысь йӧэз пуштытъязы вал ке, туэ йӧ зол кынмемын ӧвӧл, бусыосын лымы ӝыны метр гинэ кылемын. Куазь но умой: ӝытъёсы кынтэ, нош нуназезэ шунды сокем зол уг шунты. Шуръёс понна кыл куто муниципал кылдытэтъёслэн кивалтћсьёссы. Тудву дыръя шуг-секытъёс медаз пумиське шуыса, та вакытэ тросаз муниципал кылдытэтъёсын дышетсконъёс ортчыло.

— Бадӟым тудву берлозэ 1979-тӥ арын вал, — шуэ Александр Зорин. — Шур шуак ӧрысьтыз потӥз ке, Головизнин гуртын улӥсьёс шуге-леке шедёзы. Туннэ нуналлы отын 200 пала улӥсез, школазы но нылпи садзы ӧвӧл. Гурт бадӟым ӧвӧл ке но, кышкыт учыръёсты дыраз но валаса палэнтон вылысь дышетскон радъяськомы.

Тулыс адямиослы кышкытлык вайыны быгатэ липет вылысь шунась лымы. Февраль толэзе ик ёросысь вань кивалтӥсьёслы гожтэтъёс ысъямын, лымы «шобретъёслэсь» мед мозмытскозы шуыса. Липетъёс сузямын, шуръёс калленэн ас ӧрзэс шедьто.

Валентина Емельянова

Удмурт Дунне
By Удмурт Дунне Апрель 7, 2015 08:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<