Экономикаын кылдэм шуг-секытъёс уг кышкато

Удмурт Дунне
By Удмурт Дунне Апрель 6, 2015 13:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
бузилов

Кызьы кулэстоно элькун долгез?

Журналистъёсын пумиськылӥз Кун Кенешысь Экономикаын политикая, промышленностья но инвестициосъя ялан ужась комиссилэн кивалтӥсез Валерий Бузилов.

Экономикаын кылдэм шуг-секытъёс, мукет улосъёсын ӵошатыса, Удмурт шаермес сокем зол ӧз шукке: та понна тау шуоно обороная предприятиослы. Россилы пумит санкциос шоры учкытэк, соос заказъёс шедьто. Палэнэ уг кылё мукет удысъёс но, кылсярысь, ужбергатон: нимаз предпринимательёс табере паськытгес кутыны быгато патент басьтон амалэз — соя ог 3 арлы мозмытӥсько выт тыронлэсь.

Россиысь Правительство та нуналъёсы огкылэ вуиз: экономикаысь шуг-секытъёсын нюръяськонлы улосъёслы висъяно 15 миллиард манет. Валерий Бузилов ивортӥз: та коньдонлэсь оглюкетсэ — солэн быдӟалаез 1 процентлэсь ичи луыны кулэ ӧвӧл — басьтыны быгатоз Удмуртия но. Но та уксёез кутонъя асьмелэн нимысьтыз программамы луыны кулэ — со дась ни, ӝоген ыстомы федерал центре.
Журналистъёс тунсыкъяськизы Удмуртилэн пунэмъёсызлэн йылэмзы пумысен. Валерий Бузилов валэктӥз:

— Та учырын экономикаысь шуг-секытъёс гинэ янгыш ӧвӧл, лыдэ басьтыны кулэ шаерысьтымы азьвыл Правительстволэсь ужамзэ но: уноез пунэме кылёнъёс пытсатэк кельтэмын, кылсярысь, лэсьтӥськонъя огазеяськонъёс азьын. Школаосты, нылпи садъёсты пуктӥсьёс азьын 4 миллиард пала тыриськонъёс люкаськемын вал. Ярам, Александр Соловьёвез Тӧрое пуктэм бере выльдӥськиз Правительство но, лэсьтӥськисьёс азьын пунэмъёс но пытсамын вал. Мар карод: со понна кредит басьтоно луиз. Таиз, валамон, шаерлэн кун долгез вылын шӧдӥськытэк ӧз кыльы. Кызьы кулэстоно та долгез?

Та дырлы одӥгез пайдаё амал: Удмуртилы пыриськоно федерал центрен ӵектӥськись кун программаосы. Озьы шаермес азинтыны ватсаса юрттэт басьтыны луоз.

Елена Никитина

Туспуктэм Кун Кенешлэн пресс-центрысьтыз басьтэмын

Удмурт Дунне
By Удмурт Дунне Апрель 6, 2015 13:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<