Вылезлы шуак уд дышы

Удмурт Дунне
By Удмурт Дунне 3 апреля, 2015 13:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
092227,ремонт,дом,жилье

Трос этажъем юртъёсты выльдонъя программа, со чакламын 30 арлы

Трос этажъем юртъёсын улӥсьёслы кылем толэзьысен вуыны кутскизы капремонт понна расчёткаос. Та сяна, кыӵе выльдӥськонъёс витё на улон интыез возёнъя хозяйствоын?

Туэысен быдэсъяськыны кутскиз кылем арын май толэзе юнматэм трос этажъем юртъёсты выльдонъя программа, со чакламын 30 арлы. Тупатыны чакламын 7 сюрслэсь ятыр юртъёсты. Но талы коньдон бичаськоз калыклэн кисыысьтыз. Туэ та люкам уксё чотын выльдыны чакламын 110 юртэз, со пӧлысь 53-зэ — Ижын, 23-зэ — Сарапулын, 18-сэ — Глазовын, 10-сэ — Воткинскын, 6-сэ — Можгаын. 3 ар ӵоже тупатъямын луозы 1 сюрс 600 пала коркаос, отын уло 130 сюрс адямиос.

Улон интыослэн кузёоссылы бырйыны луонлык сётэмын вал: капремонтлы бичам уксёзэс улосын кылдытэм огъя счётэ яке управляющей компанизылэн усьтэм нимаз счётаз люкалозы. Шаерысьтымы 4 сюрс 635 юртъёсын улӥсьёс бырйизы нырысетӥ амалэз, 2 сюрс 883-яз — кыкетӥзэ.

— Калыклы расчёткаос вуизы ни, но шуг-секытъёс кылдыны быгатозы та тыриськонэз банкъёс пыр кутон ласянь, — вераз Удмуртиысь Трос этажъем юртъёсты тупатъянъя фондлэн кивалтӥсез Андрей Смирнов. — Банкъёс та тыриськонэз дунтэк уз кутэ, комиссия курозы. Таин сэрен калык уксёзэ мылкыдтэк сётоз, капремонтлы чаклам фондын коньдон кема люкаськыны выроз. Туннэ нуналлы лэчыт ужпум — банкъёсын огкылэ вуон, комиссия медаз басьтэ шуыса: Россиысь куд-ог улосъёс та ужез пӧрмытӥзы ни. Бадӟым осконмы элькунысьтымы кивалтӥсьёслы: соостэк банкъёсын огкылэ вуыны секытгес луоз.

Жилищно-коммунальной удысын мукетыз выль-дӥськон: туэ 1-тӥ маёзь шаерысьтымы вань управляющей компаниос басьтыны кулэ нимысьтыз лицензия. Сотэк соослы оскемын уз луы улон юртъёсты возён-чаклан. Та куронэз тӥясьёслы тыриськон пичи ӧвӧл — 250 сюрс манет котыр. Управляющей компаниослы лицензия басьтон понна трос пӧсяно луоз.

Энергетикая, ЖКХ удысъя но тарифъёсты кун ласянь чакланъя министр Иван Маринин ивортӥз:
— Лицензиез басьтон понна управляющей компаниослэн кивалтӥсьёссы, отысь валтӥсь специалистъёс ортчоно луозы экзамен пыр: улон интыя куронъёсты уг тодо ке, кызьы соослы оскод быдэс юртэз возёнэз! Та дырлы экзамен сётӥз ни 116 компаниысь 244 специалист. Озьы ик эскериськозы та компаниослэн вань документъёссы, соос котыр ласянь чильпырась луыны кулэ. Та выльдӥськон юрттоз калык чотын узырмыны тыршись компаниослэсь мозмытскыны — компаниослэн лыдзы ог 10-15 процентлы кулэсмыны кулэ.

Шаерамы азинтӥське куашкан калэ вуэм юртъёсын улӥсьёсты выль сэрегъёсы выжтон. Та программа радъяськоз 2017-тӥ арын 1-тӥ сентябрёзь. Мукет интые выжтыны чакламын 695 вуж юртъёсын улӥсьёсты. Кылем ар куспын вуж корказэс умоеныз воштӥз 1 сюрс 873 адями — соос ваньзы сямен ик ёрос центръёсын, гуртъёсын улӥсьёс. Нош туэ выль сэрег висъяськоз 184 юртын улӥсьёслы — таяз радэ бадӟымгес саклык висъяськоз городъёсын улӥсьёслы.

Коммунальной дунъёсты ӝутыны туэ чакламын 1-тӥ июльысен. Иван Маринин пусъемъя, тарифъёс шорлыдын 8 но ӝыны процентлы ӝутскозы.

Елена Никитина

Туспуктэмез Александр Горбуновлэн

Удмурт Дунне
By Удмурт Дунне 3 апреля, 2015 13:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<