Дарт лыктэ Мускоын

Удмурт Дунне
By Удмурт Дунне Апрель 3, 2015 12:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Партизанъёс» мертазы зарни маскаез

партизане

«Колбаса. Фрагменты» спектакльысь суред.

Ижысь Les Partisans театр Муское «Золотая маска» фестивале ветлӥз.

Куарусён толэзе Павел Зоринлы, Les Partisans театрлэн кивалтӥсезлы, «Золотая маска» фестивальлэн пресс-центрысьтыз гожтэт вуиз: «Бур нуналэн, Павел! Та арысен «Маска плюс» но «Выль пьеса» проектъёсмы огазеямын луозы. Али та фестивальёсын возьматон вылысь спектакльёс люкаськом. Со понна милям потэ вал учкеммы тӥлесьтыд «Колбаса. Фрагменты» но «Бойцовский клуб: наша версия» спектакльёстэс».

Толэзь ортчыса, спектакльёсты учкыны эксперт Кристина Матвиенко лыктӥз. Озьы Валерий Шергинлэн пьесаезъя пуктэм «Колбаса. Фрагменты» спектакльмы быръемын вал «Маска плюс» фестивальын возьматыны. Та ивор Les Partisans театрын шудӥсьёс понна йырпоромытӥсь луиз, угось кемалась возьмам вал. Удмуртиысь театръёс нырысьсэ быгатӥзы сыӵе вылӥе ӝутскыны — Россиысь «Золотая маска» фестивале, «партизанъёс» сяна, Глазовысь Дамир Салимзяновлэн «Парафраз» театрез «Дуры мы, дуры» спектакленыз сюриз.

Конечно, ваньмыз вӧй вылтӥ кадь ӧз ортчы. «Золотая маска» фестивалез радъясьёс улон интылы 3 нунал понна гинэ тыризы, нош тросэз артистъёс Мускоын 10 нунал улӥзы (мукет театръёслэсь спектакльёссэс учкыны кылизы). Эшшо ке труппалы сюрес вылэ но уксё кулэ вал. Муское кошкон нуналозь билетъёс понна уксё тырон ласянь кенешонъёс мынӥзы Ижкарлэн администрациеныз, Лулчеберетъя но туризмъя министерствоен. Дырзэ жалятэк, бызьылӥз Удмуртилэн Тӧроезлэн Россиысь Президент бордын ужась оскем муртэз Светлана Смирнова.

Отысь-татысь кураськыса, кызьы но озьы билетъёслы уксё люкаськиз.

Театръёс огдыре пӧртэм интыосын шудӥзы. «Партизанъёс» Мейерхольд нимо центрез бырйизы. Артистъёс зол тулкымъяськизы: кызьы Мускоысь учкисьёс пумиталозы спектаклез, «Колбаса. Фрагменты» бигеръёслэн, ӟучъёслэн но удмуртъёслэн шуг кусыпъёссы сярысь вера ук. Со возьматэ зэмос гуртэз но отысь адямиослэсь секыт улонзэс.

Ваньмыз умой ортчиз. Зал быдэсыз тырмемын вал, вань билетъёс вузаськизы. Учкисьёс но туж умой пумитазы! Соослы тау карыса, Удмуртиысь артистъёс сцена вылэ 4 пол потазы — калык весь чабе но чабе, кошкыны уг лэзьы. Спектакль сярысь мылкыдзэ вераны но трос адями кылиз. Туж куанык вал адӟыны Мускоын улӥсь удмуртъёсты — Ольга Урасиноваез, Алёна Кабановаез.

Кинлы ке но потӥз, спектакль умой улонлы оскон уг пыӵаты шуыса, мукетъёсыз шуизы: гурт улонэз но адямиослэсь лулпушсэс туж быгатыса возьматэ.

«Партизанъёс» Мускоысь выль кужымен но дартэн берытскизы.

Юлия Гаврилова

Туспуктэмез театр

Удмурт Дунне
By Удмурт Дунне Апрель 3, 2015 12:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<