Нылпиен уг шудо!

Удмурт Дунне
By Удмурт Дунне 1 апреля, 2015 12:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Табере пинал ваёзы нимысьтыз кылдытэм центръёсын гинэ.

Табере пинал ваёзы нимысьтыз кылдытэм центръёсын гинэ.

Шаерысьтымы тросысьтыз ёросъёсысь нылпи ваён юртъёс ворсаськозы, табере пинал ваёзы нимысьтыз кылдытэм центръёсын гинэ.

Удмуртилэн Тӧроез Александр Соловьёв Кун Кенешысь депутатъёс азьын Правительстволэн кылем арын ужамезлы йылпумъянъёс лэсьтӥз. Аслаз докладаз нош ик тодаз вайиз нылпи ваён юртъёсын кылдэм югдурез. Пусйиз Чувашиез.

— Отын котькуд 100 сюрс пинал пӧлысь 4,4-езлэсь улонзэ эмъясьёс утьыны уг быгато, асьмелэн та лыдпус — 8,2, — шуиз со. — Таин ӵош ик Нунылэсь но анайлэсь тазалыксэс утёнъя 1 центрзы но 6 роддомзы ужа. Нош асьмелэн татчыозь котькуд ёрослы быдэ ужазы ай нылпи ваён юртъёс. Жаляса верано, тросаз туала куронъёслы тупась тӥрлык ӧвӧлэн дыраз юрттэт но котьку ик сётыны ум быгатӥське. Анайёслэн но нуныослэн тазалыкенызы шудыны уг яра!

Тазалыкез утёнъя министерстволэн лыдпусъёсызъя, ёросъёсысь куд-ог нылпи ваён юртъёсын араз ог 15-20 нуны гинэ вордске. Угось тросэз нылкышноос мыно Ижысь но мукет городъёсысь нылпи ваён юртъёсы. Но табере ужалозы нимысьтыз кылдытэм центръёс, соос луозы республикаысьтымы вань городъёсын но Эгра, Ува каргуртъёсын. Отын вань тӥрлык туала куронъёслы тупась луоз.

Элина Васильева

Удмурт Дунне
By Удмурт Дунне 1 апреля, 2015 12:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<