Шаерысьтымы параспортсменъёсты данъязы

Удмурт Дунне
By Удмурт Дунне 2 апреля, 2015 12:35
Удмуртиысь мугор кыдатон культурая, спортъя но егитъёсын ужан политикая министр Игорь Краснов

Удмуртиысь мугор кыдатон культурая, спортъя но егитъёсын ужан политикая министр Игорь Краснов

Кылем арня шорын Мугорез кыдатон культурая, туризмъя но егитъёсын ужан политикая министерствое люкаськылӥзы шаерысьтымы параспортсменъёс, Россилэн чемпионатъёсаз вормонъёс басьтэмъёс.

Пумиськон шуныт мылкыдын ортчиз.

Тужгес трос люкаськизы следж-хоккеен шудӥсьёс. Россилэн чемпионатаз Удмуртиысь команда 3-тӥ инты басьтӥз. Чемпионатысь кузьым — шайба — вайиллям. Адӟеммы потэ, пе, вал «Ижсталь» командалэсь плей-оффын шудэмзэ, нош матчъёсы билетъёс ӧвӧл ни. Мугорез кыдатон культурая, спортъя но егитъёсын ужан политикая министр Игорь Краснов оскытӥз, ӵошатсконъёсты адӟыны быгатоды шуыса.

Россилэн куасэн бызьылонъя чемпионатаз 10 иськемез котькинлэсь шаплы ортчиз Владимир Кононов. Бадӟымесь азинсконъёссы Ижысь 53 номеро школаысь сонгро пиналъёслэн, соос Россилэн куасэн бызьылонъя первенствоысьтыз вормонъёсын бертӥзы. Юлия Смирновалы 16 арес гинэ ай, нош со Россиысь бадӟым эшъёсыныз артэ бызьылэ, дуннелэн чемпионатаз пыриськыса, 4-тӥ интыозь ӝутскиз. Россилэн первенствоысьтыз со 3 зарни медален бертӥз. Солэн эшъёсыз но бездыт ӧз адске. 53-тӥ школаысь нылъёслэн но пиослэн командаоссы эстафетаосын нырысетӥ луизы. Якшур-Бӧдья черкогуртысь школа-интернатысь Роман Ефремов 2 туй медаль басьтӥз.

Кызьы пусйиз 53-тӥ школаысь физкультураен дышетӥсь Рафаил Шахминов, шаерысьтымы параспорт азинскыны кутскиз Россиысь инвалидъёслэн спартакиадазы Удмуртиын ортчем бере. Табере вань спортсменъёсмы одӥг кадь дӥсяськыса ветло, со но командалэсь мылкыдзэ ӝутэ.

Паралимпиадаосын шаермес данъямез, спортын бадӟым вормонъёс басьтэмез понна куасэн бызьылӥсь Владимир Кононов пусъемын Удмуртиысь мугор кыдатон культуралы но спортлы 90 ар тырмонлы сӥзем медален.

Валентина Емельянова

Удмурт Дунне
By Удмурт Дунне 2 апреля, 2015 12:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<