Йыртэмасьёс Интернет пыр банковской картаосысь коньдонэз кыско

Удмурт Дунне
By Удмурт Дунне 2 апреля, 2015 13:14
Credit Card / Gold & Platinum

«Мобильный банк» но «Онлайн банк» услугаослэсь огдырлы куштӥськыны ӵекто.

Кескич йыртэмасьёс Интернет пыр банковской картаосысь коньдонэз кыско.

Кызьы ивортӥз Уголовной розыскъя управлениысь ваньбурез утёнъя ёзэн кивалтӥсьлэсь ужзэ огдырлы быдэсъясь Евгений Кайшев, коньдонзэс ыштэм адямиослэн сотовой телефонъёсазы «Мобильный банк» яке «Онлайн банк» услугаос дэмӟытэмын вылэм. Йыртэмасьёс смартфонъёс пыр вирус вӧлмыто, СМС ыстыса. Тодмотэм адямиослэсь ивор басьтӥсьёслэн телефоназы вирус вуэ, сое тупатыны вырытозь, банковской картаысь коньдонзы ыше — 1 сюрс 500 манетысен 2 сюрс манетозь.

Россиысь мукет улосъёсын улӥсьёс но секыт югдуре шедемын. Ӵем дыръя шуге-леке вуо Сбербанк, Альфа-банк, Ижкомбанк пыр уждун басьтӥсьёс. Югдурез утисьёс лушкем счётлэсь номеръёссэ шараязы ни ке но, сое «кынтэмзы» но коньдонтэк кылем адямиослы юрттэмзы уг луы. Компьютер пыр гожтэм программа ас понназ ужа. Евгений Кайшев ӵектэ «Мобильный банк» но «Онлайн банк» услугаослэсь огдырлы куштӥськыны.

Мултэс уз луы телефонъёсыз вирусъёслэсь утьыны. Тодады возе: тодмотэм адямиослэсь СМС-ёссэс эн усьялэ-лыдӟе. Чаклаське, ӵем дыръя телефонъёсы вирус вӧлме вакчи номеръёсысь, кылсярысь, Сбербанклэн 900 номерысьтыз.

Валентина Емельянова

Удмурт Дунне
By Удмурт Дунне 2 апреля, 2015 13:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<