Визьмась, гожъяськись, артист…

Удмурт Дунне
By Удмурт Дунне 31 марта, 2015 12:19
Р. Рылова

Р. Рылова

Можга ёросысь Александрово школаын 40 ар пала удмурт кыллы но литературалы дышетэ Римма Рылова. Пенсие потыса но, нылпиослэсь уг ӵыды!

Римма Иосифовна вордскиз Можга ёросысь Тылойылпочинкаын. Школаез йылпумъямез бере кытчы мынон сярысь кема малпаськыса ӧз улы: нырысь ик вамыштӥз Можгалась педучилищее, собере — Удмурт кун университетысь филология факультетэ.

— Дышетӥсьлэсь удыссэ бырйи шуыса, одӥг пол но жаляме ӧвӧл, — вера со. — Угось нылпиос пӧлын тон визьмась но, гожъяськись но, артист но луиськод. Сценаез туж яратӥсько, соин ик 15 ар пала нуи драмкружок, ӧжытак вис карыса, пенсие потэме бере, нош ик 2-тӥ арзэ солэсь ужзэ радъясько ни. Ог 15 ар пала нуи литературалы но творчестволы сӥзем кружок — таиз но туж сюлэмыя вал.

Римма Рыловалэн урокъёсыз но туж тунсыко, мур пуштросъем ортчылӥзы. Уж висказ али но дыр шедьтэ удмурт журнал-газетъёсы гожъяськыны. «Удмурт дунне» газетамы печатласько солэн кылбуръёсыз, тодэ ваёнъёсыз, улонысь учыръёсыз. Дышетэм пиналъёсыз мыло-кыдо пырисько газетамы радъям конкурсъёсы. Римма Рылова — Россия Федерациысь дышетон удысысь отличник, Удмурт Элькунысь калыкез дышетон удысысь дано ужась, ужысь ветеран.

Та нуналъёсы Римма Иосифовна пусйиз юбилейзэ. Ӵыжы-выжыосыз, эшъёсыз ӟечкылазы сое 60 арес тырмонэныз. Но уката дуно кузьым луизы со понна дышетэм нылпиосызлэн шуныт кылъёссы, њеч адями луэмзы, улонын вормонъёс басьтэмзы.

Элина Кумачёва

Туспуктэмез Римма Рыловалэн

Удмурт Дунне
By Удмурт Дунне 31 марта, 2015 12:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<