Сочиын шедьтэмын Пётр Можаровлэн шайгуэз

Удмурт Дунне
By Удмурт Дунне 25 марта, 2015 12:43
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
можаров

Пётр Можаров.

Сочи городын шедьтэмын Пётр Можаровлэн (1888-1934) шайгуэз. Та конструктор Ижын кылдытӥз быдэс дуннелы тодмо луэм «Иж» мотоциклъёсты.

1934-тӥ арын со шутэтскыны Сочие кошкиз но чиптэм-чаптэм ышиз. Та дырозь тодмо ӧй вал, кытын но ма муген со бырыны шедиз. Одӥгъёсыз шуылӥзы: ыбиськиз, мукетъёсыз, виемын шуыса, оскытъязы. Но Удмурт шаер ӧз вунэты та дано конструкторлэсь нимзэ: Ижысь одӥг урамлы солэн нимыз сётэмын.

Пётр Можаровлэсь шайгузэ шараяны юрттӥз огшоры учыр: солэсь сюен шобырскем плитазэ синйылтэм пуныеныз калгись кышномурт Ружена Гребенюк. Бӧрысь Интернетысь учкем, кин со Пётр Можаров.

«Ижмаш» заводлэн музеез талы туж шумпотӥз. Отын тыршисьёс кема аръёс ӵоже тодыны тыршизы та дано конструкторлэсь бырем интызэ.

— Иж городлэн администрациез гожтэт келяз Сочи карлэн администрациезлы, — шуэ «Ижмаш» музеен кивалтӥсь Алексей Азовский. — Оло, та конструкторлэсь шайгузэ выльдоно яке, лысьӧмъёсыз утиськемын ке, татчы вайыса, выльысь ватоно, дано ужрад ортчытоно.

Пётр Можаровлэн ӵыжы-выжыосыз асьсэ коньдонэн но дась ни лысьӧмъёссэ но шайгузэ татчы, Удмурт музъем вылэ, вуттыны.

Наталья Седова

Туспуктэм архивысь кутэмын

Удмурт Дунне
By Удмурт Дунне 25 марта, 2015 12:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<