Кыӵе чорыг вые

Удмурт Дунне
By Удмурт Дунне 25 марта, 2015 08:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Чингиз Айтманов

Чингиз Айтманов

Чингиз Айтматов киргиз писательлэн тросаз произведениосаз возьматэмын умой но урод вискын нюръяськон. Пӧртэм ӧвӧл «После сказки» повестез, солэн мукет нимыз — «Белый пароход». 

Нимыз но кык, пуштросэз но кыклы люкиське, висъяське. Валтӥсь геройёсыз кык поколениысь — 7 аресъем пияш (автор солы ним уг сёты) но солэн Момун песятаез.

Пияшлэн 2 выжыкылэз — аслаз но песятаезлэн. Песятаезлэн выжыкылэз вашкала, со вера, кызьы киргизъёс али улон интыязы вуизы, кызьы соосты Рогатая мать-олениха (марал олень) утиз. Нош пияшлэн выжыкылэз — аслаз малпам дуннеез, кудаз со чорыглы пӧрме но, Иссык-Куль тыэтӥ уяса, вуэ тӧдьы пароход доры, отын со пумита атайзэ (пияшлэн анай-атаез люкиськемын, котькудӥзлэн вань ни аслаз семьяез, нош пизы песятаезлы кельтэмын). Солэн выжыкылаз эшъёсыз — бинокль, кудӥныз со учке тӧдьы пароход шоры, но портфель, кудзэ песятаез школае ветлыны басьтӥз. Вань на солэн мукет эшъёсыз — бадӟым изъёс, котькудӥзлы со ним сётъяз. Пияш вераське соосын, малпанъёссэ, куректонъёссэ кисьтэ.

Кыкезлэн ик выжыкылъёслэн пумзы урод: маралъёс бырон калэ вуо, кошко вордскем интыосысьтызы. Нош пияш, аслаз малпам дуннеяз улыса, зэмос улонлы дась уг луы: киргиз калыклэн анаезлэсь — Рогатая мать-оленихалэсь — вирен тымиськем йырзэ адӟыса, сюлмыз уг чида, пияш чорыглы пӧрмытсконо кариське… Пинал визьмыныз со ӧз вала, улонын выжыкылын кадь уг луы шуыса. Автор шонерак уг гожты, пияш выйиз шуыса. Герой зэмос улонысь кошке малпам дуннеяз — чорыг луыса, со шур кузя тыозь ваське, нош отысен атаез доры, тӧдьы пароходэ, вуэ.

Малы умоез, ӟечез, выжыкылъёсын сямен, повестьын ӧз вормы? Малы адямиос сыӵе лекесь? Трос юанъёс кельтэ Ч. Айтматов лыдӟисьёсызлы. Малпасько, котькудӥз аслыз шонер валэктон шедьтыны быгатоз.

Алёна ШКЛЯЕВА

Удмурт Дунне
By Удмурт Дунне 25 марта, 2015 08:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<