Кудыез котьку тыро!

Удмурт Дунне
By Удмурт Дунне 19 марта, 2015 08:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
В. Широбокова ортчытэ удмурт кылъя урок.

В. Широбокова ортчытэ удмурт кылъя урок.

Та нуналъёсы котырес юбилейзэ пусйиз Валентина Широбокова.  Элькунысьтымы одӥгез тужгес адӟем карымон дышетӥсь вань кужымзэ, быгатонлыкъёссэ сӥзе анай кылмес утёнлы, азинтонлы.

Кияса ёросысь Вуж Сальялан вордскем нылаш ноку ӧз малпалля кадь городэ кылён сярысь. Культпросветучилищеын режиссёрлы дышетскемез бере ик УдГУ-ысь удмурт факультетын тодон-валанзэ будэтыны ӧдъяз, гуртысьтыз ик школаын пумен ужаз. Но улон троссэ ачизъя каре вылэм…

Ижысь чылкак ӟуч нылпи садын ужаны кутскыса, Валентина Григорьевна пиналъёс пӧлын удмуртлыклы сӥзем занятиос ортчытъяны кутскиз. Нимысьтыз удмурт группа соку усьтыны ӧз пӧрмы ке но, ужзэ адӟытэк ӧз кыле. Ушъязы, мукет нылпи садъёсысь воспитательёс но солэсь дышетскыны вуылӥзы. Кузебай Герд нимо гимназилэн нылпи садаз кыкетӥ арзэ ужа ни вал — аспирантурае пыроно кариськиз на. Валентина Григорьевна угось ачиз но валаз: ужа ас шӧдэмезъя-адӟемезъя, методикаез со нимысьтыз дышетэмын ӧвӧл.

— Одӥг пол Андрей Леонидович Кузнецов, соку со дышетонъя но наукая министр вал, дорам вазиськиз: Дышетӥсьёслэсь тодон-валанзэс будэтонъя институт но Кузебай Герд нимо гимназия одӥг кыткетын ужаны кулэ, — тодаз вае Валентина Широбокова. — Гимназилэн директорез Анжелика Семёновна Михеева но таин соглаш кариськиз. Озьы дышетӥсьёслы лекциос лыдӟем сяна, нимысьтыз консультациос но ортчытъяны кутски.

В. Широбоковалы огез бӧрсьы мукетсэ удысэз ӵектыны кутскизы, тэк пукыны чидасьтэм луэмзэ, мытэм ужзэ гижысь-пиньысь быдэсъямтэ адӟытэк ӧз кыле, вылды.   Ма, ачиз но Валентина Григорьевна аслыз уж шедьтэ на: я гимназиысь дышетӥсьёсты удмурт кыллы дышетыны ӧдъя, я нылпиосты анай кыллы дышетонъя программа дася — дышетон кудыез котьку тыро. Али со К. Герд нимо гимназиысь покчи классъёсын завуч. Потӥз выль пособиез, удмурт кылэз нырысетӥ кык арзэ дышетӥсьёслы со сӥземын.

Валентина Широбокова — педагогика наукаосъя кандидат, Россия Федерациысь огъя дышетон удысысь дано ужась,  Россиысь анай кыллы но ӟуч кыллы устоез визьнодась. «Дышетон» нацпроектын 2 пол вормылӥз. Солэн данъян грамотаосыз лыдъяны луонтэм.

Дышетӥсь уг ваты: улонын со адӟиз ни преникез но, сюлоез но. Но оске: соиз но, таиз но кулэ вал.

Элина Кумачёва

Удмурт Дунне
By Удмурт Дунне 19 марта, 2015 08:27