Удмурт кыллы дышето анай-атайёс

Удмурт Дунне
By Удмурт Дунне 18 марта, 2015 08:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Башкириын удмурт культуралы сӥзем нуналъёс ортчо.

Башкириын удмурт культуралы сӥзем нуналъёс ортчо.

Башкириысь Татышлы но Янаул ёросъёсын удмурт культурая нуналъёс ортчизы. Куное вуылӥзы Удмурт шаерысь кивалтӥсьёс, тодосчиос.

Ужрадэз Ижысь мунё театрысь артистъёс усьтӥзы. Соос пиналъёслы «Тӧл пуйыысь выжыкыл» возьматӥзы. «Удмуртия» издательстволэн кивалтӥсез Юрий Кузнецов книгаосын, пӧртэм бичетъёсын вуз карон радъяз. Соин пичильтокъёс анай-атайёсынызы ӵош кема гожеръязы котыраз. Книгаос, чебересь суредъёсынызы сяна, дунъёсынызы но бордазы кыскизы.

Удмурт кылъя но покчи классъёсты дышетӥсьёсын, библиотекарьёсын, бадӟым классъёсын дышетскисьёсын пумиськонъёс 3 интыосын ортчизы. Библиотекарьёслы книгаосты компьютер пыр лыдӟыны валэктӥз Удмуртиысь Национальной библиотекаын ужась Анна Семёнова. Сое кылзыса, син азямы школаын дышетскон аръёсмы пуксизы. Уго соку пӧртэм книгаосты, бичетъёсты шедьтон туж секытэн сётӥськиз. Нош табере со ласянь трослы капчигес: библиотекаосын лыдӟисьёс понна нимысьтыз сайтъёс кылдытэмын. Соос пыр кунгож сьӧрысь авторъёслэсь, ӟуч, удмурт гожъясьёслэсь ужъёссэс шедьтыны луэ. Анна Леонидовна Национальной библиотекалэн сайтэныз, электронной библиотекаен тодматӥз. Туннэ та бамъёс тросэзлы лыдӟисьёслы пайдаё луысалзы, уго соос, книгаосын сяна, кырӟанъёсын но трос мукетыныз узыр. Но, жаляса верано, Башкириысь удмурт библиотекаосын интернет вотэсъёс паськыт уг кутӥсько на.

Нылпи садын ужасьёсын кивалтӥз Ижкарысь нылпи садысь удмурт кылъя дышетӥсь Ольга Аркашева. Со пиналъёсты удмурт кыллы дышетон амалъёсын тодматӥз. Но, мынам малпамея, Башкириысь садъёсын со сярысь уг сюлмасько. Ми дорын тросгес ужало удмурт пиналъёсты ӟуч кыллы дышетон бордын. Нылпиосмы удмурт кылэз пичиысен семьяосазы дышето угось.

Школаез йылпумъясьёсты огазеяз педагогика наукаосъя кандидат, УдГУ-ысь удмурт литературая но Россиысь калыкъёслэн литературазыя кафедраысь доцент Любовь Фёдорова. Со пиналъёслы УдГУ сярысь вакчияк вераз, татын тодон-валан басьтон амалъёсын но бадӟымесь луонлыкъёсын тодматӥз. Студентъёслэн Европае стажировкаосы вуылэмзы, переводчиклы дышетскыны луонлыкъёссы сярысь верамъёссэ пиналъёс тунсыкен кылзӥзы.

Ужрад котырес ӝӧк сьӧрын азинскиз. Отчы Башкортостанысь гурт поселениосын кивалтӥсьёс, школаослэн директоръёссы но пыриськизы. Соос пӧртэм ужпумъёсты эскеризы. Кылсярысь, вераськон выжиз книгаос борды. Туннэ тросаз школаосын соос вужесь яке воксё уг тырмо. Уфае книгаос келяськомы, шуэ Юрий Кузнецов. Нош отысен соос кытчы ышо, тодмо ӧвӧл.

Вуоно арын быдэс дуннеысь фин-угор калыкъёслэн конгрессы ортчоз, солэсь азьвыл съездъёсты радъяно. Со сяна, Калтасы ёрос туэ Чакара фестивалез пумиталоз. Таиз трос кужымез, чидамез но валче ужамез кулэ каре. Зэм, Башкортостанысь удмурт калык со ласянь шумпотымон тырше. Со пумысен Ижысь Камсьӧр удмуртъёслэн огазеяськонэнызы кивалтӥсь Ф. Чибышева шуиз:

— Удмуртлыкез азинтон ласянь Башкортостан туннэ азьпалан мынэ. Азьланяз но кужыммы медаз лябӟы вылэм. Соин тросгес пумиськылонъёс ортчытъяно.

Ольга Нигаматуллина

Миляуша Булатова

Удмурт Дунне
By Удмурт Дунне 18 марта, 2015 08:40