Адямиосты кылоно!

Удмурт Дунне
By Удмурт Дунне Март 17, 2015 08:51
Вуз кароныны югдурез чакланъя кенеш

Вуз кароныны югдурез чакланъя кенеш

Туэ январь пумын Президент Владимир Путин улосъёс азьын ужпум пуктӥз: сиён-юонэн вуз каронэз чакласа возёно, дунъёслэсь шуак ӝутӥськемзэс алоно.

Шаерамы кивалтӥсьёс югдурез эскерытэк уг уло. Сиён поттӥсьёсын но вуз карисьёсын ӵемысь пумиськыло, валэктон уж нуо. Бадӟым саклык висъяське таӵе юанлы: кунгож сьӧрын потӥсь вузэз маин воштыны луоно асьме дорын? Та нуналъёсы Удмуртилэн Тӧроез Александр Соловьёв кенеш но люкалляз.

Туннэ шаерамы кулэяськеммылэсь 41 процентлы уногес йӧл, 4 процентлы тросгес сӥль потто. Картошка 98 процентлы тырмымон будэтӥськом, бакча сиён – 91 процентлы. Магазинъёсын огезлы но вузъёслы черод уг люкаськы. Улыны кулэ луись сиён-юон складъёсын 10-15 нуналлы тырмымон. Кылем арын но югдур таӵегес ик вал. Соин ик кышкатсконэз ӧвӧл. Зэм, нырысь-валысь сӥльлы но колбасалы дунъёс вылӥе тубыны кутскылӥзы ик. Но туннэ соос интыязы сыло. Хлебозаводъёсын кенешыса, луэ возьыны нянь дунъёсты но.

Кенеше ӧтемын вал бадӟымесь вуз каронъя центръёслэн, переработкаен вырись предприятиослэн кивалтӥсьёссы. Огкылэ вуэмын вал: калык каньыл мед улоз шуыса, валче ужалоз но.

— Трос аръёс ӵоже хозяйствоослы азинскыны юрттон вылысь республикалэн бюджетысьтыз уксё висъяськиз. Экономикаын югдур секыт, соин ик валче туннэ соос но калыкез валаны кулэ, соосъя кариськыны. Тужгес но лыдэ басьтоно начар улӥсьёсты, — шуиз Александр Соловьёв.

Палэнэ кельтэмын ӧй вал эмъюм дунъёсты возён но. Туннэ тазалыкез эмъян учреждениосын 315 миллион манет тыр препаратъёс вань. Со 4 толэзьлы тырмымон.

Кылем арын шаерысьтымы 26 аптекаос огазеяськизы «Аптеки Удмуртии» кун предприятие. Солэн валтӥсь ужпумез: дунъёсты огкадь возён, эмъюмъёслэсь ассортиментсэс паськытатон, калыклы матэгес кариськон. Кун аптекаосъя ик ужаны мед кутскозы вылэм мукетъёсыз но аптекаос. Та бордын ужаломы, шуиз Александр Соловьёв. Калыкен ӵемгес пумиськылоно, югдурез валэктоно. Адямиосын вераськон бордысь потоз азьланяз валче ужаммы, пусйиз кивалтӥсь.

Сергей Захаров

Удмурт Дунне
By Удмурт Дунне Март 17, 2015 08:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<