Куара палэнэ уз кошкы

Удмурт Дунне
By Удмурт Дунне Март 17, 2015 08:45

Дано крезьгурчимылэн П. Чайковскийлэн юбилеезлы сӥзьыса, ӧсъёссэ ӝоген усьтоз быдэсак выльдэм Операя но балетъя театр. 1984-тӥ арын пуктэм юрт нырысьсэ но быдэсак тупатэмын, со сяна, табере театр нуллоз П. Чайковскийлэсь нимзэ.

Учкисьёс но артистъёс выльдэм театрез дунъяны быгатозы ини 30-тӥ южтолэзе. П. Чайковскийлы сӥзем юбилей ужрадъёсты мытоз дано композиторлэн «Лебединое озеро» балетэз. Сое пуктэ Удмуртиысь искусство удысысь дано ужась, валтӥсь балетмейстер Николай Маркелов. Нялтас вераса, вань билетъёс та балетэ вузамын ини.

Выльдэм Операя но балетъя театрын дасясько возьматыны П.Чайковскийлэсь "Лебединое озеро" балетсэ.

Выльдэм Операя но балетъя театрын дасясько возьматыны П.Чайковскийлэсь «Лебединое озеро» балетсэ.

Театрысь литературая но драмая люкетэн кивалтӥсь Анна Никифорова верамъя, та нуналъёсы выльдэм сцена вылын репетициос мыно. Озьы ик быдэсак воштӥськиз зал. Табере учкисьёс небыт креслоосын пукозы.
— Куара палэнэ медаз кошкы шуыса, акустикаез умойгес карон вылысь, воштэмын вӧлдэт. Оркестрлэн шудон интыез (гу) но туала куронъёсъя тупатэмын. Табере татысь выж ас понназ ӝутӥськыны но сценаен огкадь — артэ — кариське. Воштэмын куарая но тылъя тӥрлык. Озьы ик выльдӥськиз фойе, со трослы капчигес но югытгес адӟиське. Но тужгес бадӟым вормон туннэ нуналлы — Операя но балетъя театр труппазэ утьыны быгатӥз. Премьера дыръя сцена вылэ потозы вань артистъёс. Ар но ӝыны кыстӥськиз ремонт. Та дыр ӵоже театрысь одӥг усточи но но ӧз кошкы, солэсь ортчыт, вуизы егит артистъёс. Оштолэзе но куартолэзе учкисьёсты вите эшшо куинь премьера: операя спектакль «Amore. Vendetta. Morte» (режиссёрез Филипп Разенков), П. Чайковскийлы сӥзем концерт но нылпиослы «Чиполлино» балет, — шуиз Анна Никифорова.

Галина Семёнова

Удмурт Дунне
By Удмурт Дунне Март 17, 2015 08:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<