Ӟечезлэсь адӟем карон

Удмурт Дунне
By Удмурт Дунне Март 10, 2015 10:13
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
белорус

Удмурт Республикалэн Тӧроез Александр Соловьёв Белоруссилэн азьмуртэныз Александр Лукошенкоен пумиськиз.

Удмуртиысь делегация вуылӥз Белоруссие.

Удмурт Республикалэн Тӧроез Александр Соловьёв ивортӥз: отын пумиськонъёс туж пайдаё ортчизы.
Кенешемын «Белмедпрепараты» компаниен: соин ӵош Удмурт шаерын усьтыны луоз эмъюм поттонъя предприятие. А. Соловьёв пусйиз: та проектэз нырысь рос-прос чаклано, собере пыӵатон борды басьтӥськоно — но кемалы нуйтоно ӧвӧл. Нялтас вераса, туннэ нуналлы Удмуртиысь калыкез эмъянъя учреждениос басьто кунгож сьӧрын поттэм 145 пумо эмъюмъёсты. Таос пӧлысь унозэ потто Белоруссиын. Удмуртия но Белоруссия куспын огъя проектъёс, ужпумъёс пумысен кенешизы Александр Соловьёв но президент Александр Лукашенко.

Со сяна, Удмуртиысь делегация вуылӥз Брестэ. Брест улосын поттэм продукция вӧлме 74 кунъёсы. Огкылэ вуэмын: Брест улослэн делегациез шаерамы туэ куное вуылоз гурт удыслэсь азинскемзэ чаклан понна.
Удмурт Республикалэн Тӧроез А. Соловьёв брестъёсын пумиськонын пусйиз:
— Та вакытэ малпаськиськомы Удмуртиын экономика ласянь эрико зона усьтон сярысь. Брест улосын таӵе проект пыӵа ни 1996-тӥ арысен. Инвесторъёслы капчиятэм условиос кылдытон ласянь ми тӥлесьтыд адӟем карысалмы.

Удмуртиысь делегация ас синмыныз адӟиз Брестысь эрико зонае пырись «Санта Бремор» огазеяськонлэсь ужамзэ — со усьтэмын Германиысь инвесторъёс юрттэмъя.

Брестын пумиськон йылпумъяськиз котрес ӝӧк сьӧрын кенешонэн. Отын азьланезлы ужъёс чакламын: кылсярысь, Удмуртиысь гурт хозяйствоослы Белоруссиысь техникаез вуттон, «Аксион-холдинг» огазеяськонын поттэм эмъяськон оборудованиез, Глазовысь «Химмаш» предприятилэсь продукцизэ Белоруссие келян но трос мукет.

Сергей Захаров

Туспуктэм вотэсысь басьтэмын

Удмурт Дунне
By Удмурт Дунне Март 10, 2015 10:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<