8-тӥ южтолэзен!

Удмурт Дунне
By Удмурт Дунне 6 марта, 2015 14:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93


2Гажано нылкышноос!

Мартлэн 8-тӥ нуналаз асьмеос шуныт кылъёсын вазиськиськом анайёсмылы, песянайёсмылы, кышноосмылы, нылъёсмылы, туганъёсмылы, вераськомы яратэммы сярысь. Нуналмысь нуналэ тӥ улонэз каньылгес, шунытгес, югытгес кариськоды. Тӥ бордын котькудӥз ассэ шӧдэ утемен, дунъяны кутске чеберез, луэмез потэ умойгес, кужмогес. Тӥ вӧзын воргорон луэм потэ.
Нылкышнолэн обществоын интыез возьматэ улонлэсь кыӵе луэмзэ. Удмуртиын кышномуртъёс вань удысъёсын адӟем карымон ужало, кыл кутыны быгатэмзэс возьмато. Со вие ик пиналъёссэс будэто, семья, гурт котыразы бергало, соостэк уг ортчы одӥг ужрад но. Элькунмылэн кивалтэтэзлэн, аслам нимыным бадӟым тау карисько сюлмысь ужамды, юн сямо луэмды, кулэ дыръя жалямды но чурыт кыл верамды понна, котькыӵе секыт вакытъёсы но умоезлы оскон пыӵатэмды понна.
Та праздник нуналэ но, мукетъят но мылкыдды капчи, тазалыкты юн мед луоз, шудбур, яратон, котькыӵе ужын дарт!

Удмурт Республикалэн Тӧроез А. В. Соловьёв

Тулыс вуэмен!
Кун Кенешысь депутатъёслэн нимынызы ӟечкыласько Нылкышноослэн калыккуспо нуналэнызы!
Та праздник возьматэ тулыслэсь вуэмзэ, воргоронъёс яратоно нылкышнооссылы, анайёссылы, нылъёссылы кузьмало сяськаос, пальпотонъёс, шуныт кылъёс. Нылкышноос улонын пӧртэмесь. Но вань огазеясез но. Соос кузьмало улон, сям-йылолъёсты пыӵато, семьяез утё-вордо. Чидась, яратӥсь, мукетъёс понна сюлмаськись луэмды юрттэ обществолэсь трос ужпумъёссэ быдэсъяны.
Тӥляд ужаны быгатэмды, чырмыт сямды бордысь но потэ шаермылэн, быдэс странамылэн вуонозы. Маин мерталод дышетон, наука, тазалыкез утён, культура, калыкез утён, вуз карон, спорт но мукет удысъёсты азинтонэ пыриськемдэс!
Азяды йыбырттӥськом, данъяськиськом но данъяськом! Сӥзисько выль вормонъёс, тазалык, шудбур, яратон, тулыс мылкыд, котькытын но котьку луэ чебер!

Удмурт Республикаысь Кун Кенешлэн Тӧроез В. П. Невоструев

Удмурт Дунне
By Удмурт Дунне 6 марта, 2015 14:22