Дунне иворъёс

Удмурт Дунне
By Удмурт Дунне 6 марта, 2015 09:29

ДУННЕЫН

Ма сиёно кема улон понна?

Толон вордскем нуналзэ пусйиз дунне вылысь самой мӧйыез адями — Япониысь 117 аресъем Мисао Окава.
Сокем кема улэмез понна песянай пыртэмын Гиннесслэн книгаяз. Мисао верамъя, солы тамында ар возиськыны юрттӥз суткаяз 8 час ӵоже кӧлон но суши сиён. Нош тужгес но яратэ со пар вылын пӧзьтэм скумбрия чорыгез но рис ӝукез. Окава 1931-тӥ арын палкышно кылиз. 1920-тӥ аръёсы вордӥз 3 пинал, со пӧлысь кыкез уло-выло на. Эмъясьёс пусъемъя, кышномурт ляб кылэ, но огъя тазалыкез котькинлы адӟем карымон.

РОССИЫН
Уть ӟеч нимдэ!

Туэ март толэзьысен пыӵаны кутско «Кредит историос сярысь» законэ воштонъёс.
Табере адямилэн кредит историяз пырозы пунэмзэ ӝегатон учыръёсыз, улон инты, Интернет я телефон воземез понна пытсамтэ тыриськонъёсыз, алиментъёслэсь пегамез сярысь иворъёс. Экономистъёс пусъё: та выльдӥськонъёс вань калык вылын уз шӧдӥське — историзы уродмоз сыӵеослэн гинэ, кудъёсыз судлэн решениезъя дас нунал куспын ӧз пытсалэ тыриськонъёссэс. Озьыен, кредит басьтыны мылкыд карисьёсты банкъёс сакгес эскерозы, соин ик пунэмаськыны секытгес луоз. Со сяна, банкъёс табере ивортозы, кыӵе муген адямилы пумит луизы кредит сётыны.

Б. Немцовен люкиськон

3-тӥ мартэ Москваын ватэмын Борис Немцов.
Б. Немцовлы ас вакытаз Россилэн Правительствояз вылӥ постъёс оскемын вал, бӧрысь потӥз оппозицие. Политиклэсь улонзэ куспетӥ каризы 27-тӥ феврале Кремльысь кӧня ке сю метрлы палэнын гинэ: тыбыраз 4 пуля мертчытӥзы. Али следствие мынэ.
Вань малпан: таӵе шимес учыр пӧрамын вал странамес сьӧдман вылысь. Россилэн Президентэз Владимир Путин вераз: югдурез утисьёс уката сак кариськыны кулэ, политикаен герӟаськем йыружъёсты эскерыкузы.

 

 

Удмурт Дунне
By Удмурт Дунне 6 марта, 2015 09:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<