Табере кылдоз Удмурт кылосбуръя, финноугроведениея но журналистикая Институт

Удмурт Дунне
By Удмурт Дунне 5 марта, 2015 13:35

Удмурт кылосбуръя факультет институт луоз. Табере солэн бурд улаз улозы удмурт филология, фин-угор тодос но журналистика.

Удмурт кун университетын удмурт кылосбуръя но журналистикая факультетъёсты огазеян сярысь вераськонъёс кемалась ветло вал ни. Угось быдэс Россиысь вузъёсын пичи факультетъёсты бадӟым структураосы огазеяло.

Ченгешонъёс трос вал. Тросэз пумит луизы, удмурт кылосбуръя факультетлэн данэз быроз шуыса. Интернетын подписьёс люкан но мынӥз.

3-тӥ южтолэзе университетысь Тодосчиослэн кенешсы люкаськылӥз. Удмурт филология но журналистикая факультетъёсты огазеян ласянь куара сётон мынӥз. Огазеянлы пумит луиз одӥгез гинэ.

— Табере удмурт кылосбуръя факультет одӥг йырлы бадӟымгес луиз — институтын удмурт кыл азьло кадь ик пушъёз. Верало на, Галина Мерзляковаен, Удмурт кун университетлэн ректореныз, ми огкылэ вуим. Вуоно институтэн кивалтоз Наталья Владимировна Кондратьева, удмурт кылосбуръя факультетлэн деканэз, — вера «Удмурт Кенеш» огазеяськонлэн тӧроез Игорь Семёнов.

Удмурт кылосбуръя факультет одӥг вамышлы азьлань кошкиз — институт луиз. Нош журналистикая факультет берытскиз отчы, кытысь потӥз вал. Уз малпалэ меда вуоно студентъёс, журналистикая факультетын удмурт журналистъёсты гинэ дасяло шуыса? Но таиз сярысь берлогес ни.

Мария Векшина

Удмурт Дунне
By Удмурт Дунне 5 марта, 2015 13:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<