Тюльпанъёс устӥськизы!

Удмурт Дунне
By Удмурт Дунне 5 марта, 2015 08:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Выльдэм шыкыс

Выльдэм шыкыс

Ортчем шутэтскон нуналъёсы юнме ӧз ортче — аслым тулысэз кузьмай!

Бускельёсы вуж ӝӧк-пуконъёссэс куяны кутскизы. Соос пӧлысь синйылтӥ тунсыко арбериез — сандык кадь маке, питранъёс вылын. Малпай: ма, бугоръёсме тырыны туж ӟеч инты луоз ук! Кельтыны кури.

Басьтӥ акрил буёл, тюльпанъёсын куинь сӥлэсь (трёхслойный) салфетка, ПВА клей, акрил лак, кулэ луиз на кисточка. Сандыкме нырысь ик буяй — акрил краскалэн зыныз ӧвӧл, ог час куспын со куасьмиз ини. Та вискын салфеткаосты, пужызыя вандылыса, дасяй. Нырысь соосты сандыклэн котькуд палаз оген-кыкен гинэ бырттылыны ӧдъясько вал — укыр трос тюльпанъёс чебер уз адӟиське, малпай. Но творчествоям сокем выйи!

Салфеткалэсь кельтоно самой вылӥысьсэ сӥзэ гинэ. Сое, туж дыртытэк, ляконо азьвыл ик клеен зыраса дасям интые. Одӥг салфеткаез лякисько, мукетызлы тырмымон интыен нош ик клеен зырасько. Чаклалэ: сяськаос улэ омыр медаз кыльы, сандык пульыё-пульыё медаз луы шуыса.

Вань салфеткаосты лякылэм бере вис кароно, куасьмыны дыр сётоно — талы нош ик час пала кулэ луиз. Табере кылиз на сандыкез лакен юнматыны!

Уже шоры учкисько — тулысэз адӟисько, отысь тюльпанъёслэсь ческыт зынзэс ик шӧдӥсько кадь! Пушказ бугоръёсме тыри, нош вылыз пичи ӝӧк интыын луиз.

Элина Кумачёва

Удмурт Дунне
By Удмурт Дунне 5 марта, 2015 08:26