Ижкаре вуылӥз Алексей Иванов

Удмурт Дунне
By Удмурт Дунне 4 марта, 2015 09:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

й2-тӥ южтолэзе Ижкарысь Некрасов нимо библиотекаын Пермьысь тодмо писателен Алексей Ивановен пумиськон ортчиз.

«Сердце Пармы», «Блуда и Мудо», «Общага-на-Крови», «Ёбург», «Географ глобус пропил» — Алексей Ивановлэсь та книгаоссэ туала литератураен тунсыкъяськисьёс пӧлын тодӥсьтэмез ӧвӧл, дыр.

Алескей Иванов ачиз ик паймиз — библиотекае 200-лэсь ятыр адями люкаськиз. Кык час ӵоже писатель лыдӟисьёслэн пӧртэм юанъёссылы валэктон сётъяз.

— Мон уг малпаськы вал, тамында калык луоз шуыса, — вера Алексей Иванов. — Литература калыклы тунсыко кулэ луыны, малы ке шуоно ми гожъяськиськом адямиос понна. Сюжетъёсты мон улонысьтым басьтӥсько но геройёссылы ас лулылэсь челепсэ сётӥсько.

Алексей Ивановлэн тросэз книгаосыз кунмылэн улосвылъёсыз сярысь: «Ёбург», «Общага-на-Крови», «Сердце Пармы». Мускоын провинциез ултӥяло, телевидениын пичи город сярысь 4 серилэсь кузьгес киноез уз поттэ. Алексейлы таӵе югдур уг кельшы. Ӧвӧл провинция, вань мукет лулчеберетэн город, улосвыл, шуэ со.

Тросэз лыдӟисьёс тунсыкъяськизы «Географ глобус пропил» книгаеныз. Алексей Иванов ас вакытаз ужамын дышетӥсьын, отысь ик потэмын Виктор Служкинлэн образэс. Александр Велединскиен лэсьтэм кино солы кельшем. Троссэ произведениоссэ режиссёръёс кино лэсьтыны куриллям ни. Автор пумит ӧвӧл.

Гожъяськись али «Ненастье» романэз борын ужа. Героез — огшоры шофёр, Афган ож пыр потэм солдат. Со йыруж лэсьтэ: уксёен машинаез дугдытэ но коньдонзэс тала. Та роман криминал сярысь ӧвӧл, кызьы вера ачиз автор, со адямилэн лул бугыръяськонэз сярысь.

Дасяз Мария Векшина

Удмурт Дунне
By Удмурт Дунне 4 марта, 2015 09:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<