Пӧйшур кутась

Удмурт Дунне
By Удмурт Дунне 3 марта, 2015 13:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
А. Куликов

А. Куликов

Кизнер ёросысь Вуж Бӧдья гуртысь Александр Куликовлэн киужъёсыз адямиослы шумпотон ваё. Солэн зарни киосыз улӟыто пуэз.

Февраль толэзе Кибашлыослэн элькун юртазы Кизнерысь усточиослэн адӟытонзы ужаз. Синпӧртмась чебересь киужъёссэс соос вайиллям: огезлэсь мудрон мукетыз шкафъёс, ӝажыос, пуконъёс. Александр Куликовлэн киужъёсыз, мукетъёслэн сярысь, эшшо но золгес висъясько. Со ньӧрлэсь кутаса лэсьтэ пӧйшуръёсты, бурдоосты, пуконъёс, ӝӧкъёс, ӟечыранъёс.

— Александр Владимировичлэсь киужъёссэ шаерамы ортчылись пӧртэм адӟытонъёсы шумпотыса возьматыны нуиськом, — ужасез сярысь ӟеч кылъёс вера Кизнерысь Кибашлыослэн юртэнызы кивалтӥсь Валентина Рассомахина. — Со милям оскымон адямимы. Ачиз востэм гинэ кадь, нош кыӵе ужъёсыз! Кыштыр гинэ, дыртытэк ужа, аслэсьтыз мытэм удыссэ валаса но тодыса нуэ.

— Мылкыд оломар но лэсьтыны вань вылэм, но дыр уг тырмы, — ачиз сярысь вера Александр Куликов. — Созэ но, тазэ но лэсьтэм потэ. Ньӧрен ужанлэн зэмзэ ик туж трос выронэз — бичано, куасьтоно, куасалляно… Нош дорын нылпиос векчиесь, огезлы 3 арес, мукетызлы арес сяна ӧвӧл на. Жаляса верано, мон соосты огнам утисько-вордӥсько. Пинал ваемез бере кузпалы секыт висьыны усиз, эмчиос сое утьыны ӧз быгатэ ни, улонысь кошкиз. Ярам, анай-атай вӧзын улӥськом. Но соослэн сюлмаськонзы трос: туж трос пудо-живот вордӥськомы, хозяйствомы бадӟым — скалмы но, ыжмы но, кунянмы но, ветылмы но, кроликмы но вань. Ваньзэ соосты маин ке но сюдыны кулэ. Со сяна, векчиосыз но лачак — курег, ӵӧж, курка…

Мынам одӥг уже но бадьпу ньӧртэк уз пӧрмы. Соин ик шур дурысь уг бертылӥськы. Вазен кузпалы юрттӥськылӥз. Ма, быгатэмзыя анай-атай али но юрттӥськыны басьтӥсько. Соос адӟо ук мынэсьтым ужме, юрттӥськытэк уг чидало, лэся.

— Выжыяды тӥ кадь кибашлыосты вань-а? Кинлэсь таӵе ужлы дышиды?

— Тодӥсько на песятаелэсь куды кутамзэ. Мон со шоры сыӵе вожъяськыса учкылӥ, но малы ке но дышетыны ӧй косылы. Атае сыӵе ужлы туж ик мылкыдо ӧвӧл. 8-тӥ классын дышетскыкум, дышетӥсьмы Галина Ивановна Калугина милемыз Кизнерысь Кибашлыослэн юртазы экскурсие нуллӥз. Мынам соку, пӧртэм киужъёсты адӟыса, сюлэмы ик интыысьтыз тэтчиське вал. Всё, малпасько, мон но соос сямен та уж борды кырмисько. Каллен-каллен бадьпу ньӧрлэсь куды кутаны шӧтай. Кырыж-конгыль ке но, пӧрмытӥ. Та ужен вырон мылкыды, школаез йылпумъятозям, ӧз пуксьы. Мар малпаськод, со улонын одно ик пӧрме, шуо. Школа бере Ижысь культпросветучилищее пырыны медӥсько вал — баллэ ӧз тырмы. Озьы ке но улонме мукет ужен ӧй герӟа, кутан-лэсьтӥськон борды ик биниськи, со мыным Инмарен сётэмын, лэся. Ужме мон сюлмысьтым яратӥсько, вань мылкыдме поныса, тыршисько. Нош выны нокыӵе ик уг кариськы, солы та уж сётэмын ӧвӧл, дыр.

— Кемалась-а Кибашлыослэн юртазы ужаськоды ни?

— 2001-тӥ арын мон татчы лыктӥ. Но отын инты ӟоскытэн ми дорамы ужано луиськомы. Гуртын инты трос, юри со понна мастерской лэсьтӥ.

— Адямиос, киужъёстэс басьтыны курыса, ӵемысь-а вазиськыло?

— Мон троссэ кутам арбериосме ӵыжы-выжыосылы кузьмасько. Эшъёсме но уг обидиськы. Но тодмоослы но эшъёслы гинэ ужаса ум пукиське ук, милемлы план сёто, кылсярысь, Кибашлыослэн юртазы толэзяз 2 пукон но одӥг ӝӧк лэсьтыса сётоно луэ. Ми отысь уждун басьтӥськомы.

— Ужъёсты пӧлын малы уг адӟисько кутъёс? Соосты кутан секытгес сётске, дыр?

— Мынам туж потэ со борды кутскеме. Шуисько ук, кутан ужен песятае выре вал. Солэсь ик кут кутамзэ но адӟеме вань. Малпасько, мон егит ай, мылкыд гинэ медаз пуксьы, ваньзэ лэсьтыса вуо.

Любовь Тихонова

Удмурт Дунне
By Удмурт Дунне 3 марта, 2015 13:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<