Ныл-пи

21-тӥ даурысь 100 тужгес но умой романъёс пӧлы «Афиша» журнал пыртӥз Джеффри Евгенидислэсь «Средний пол» книгазэ. Токма ӧз. Та выллем книга мыным нырысьсэ сюриз.

Татын усьтӥське 3 лэчыт тема: улон интыдэ воштон, биологической но гендерной сураськон, матысь ӵыжы-выжыен кузпалъяськон. Вир сураськымтэен йырин ген, кудӥз кыл кутэ ныл яке пи вордскон понна, шудыны кутске. Та книга кыӵе ке валэктон луэ кадь «анай-атайёслэн сьӧлыкъёссы понна кыл куто пиналъёссы» веранлы, малы ке шуоно вир суран бере быдэс поколение воштӥськиз ни — соку гинэ ай вордӥськиз Каллиопа — огдыре ныл но, пи но — ӵапак со выжызы сярысь маде.

Ваньмыз кутске песянаез бордысен, кудӥз вордскиз Грециын, но турокъёсын война кутскем бере агаеныз пегӟиз Америкае. Отын соос кузпалъяськизы, пинал вайизы, пиналзылэн нылыз вордскиз — ныл шуыса учкизы нырысь. Будэтӥзы но нылэз кадь — льӧль дэрем, мунёос, бабля йырси. Нош быдэ вуон вакытаз валазы: мар ке но умойтэм кошкиз.

Та книга нырысь ик тырше валаны: ма луоз, пиез ныл кадь будэтӥд ке? Со ассэ ныл кожалоз? Яке пи лулыз вормоз ик?

Вера Штыкова