Дунне иворъёс

Удмурт Дунне
By Удмурт Дунне 24 февраля, 2015 12:21

ДУННЕЫН

ria.ru

ria.ru

Оскымон эшъёс

Россилэн Президентэз В. Путин вуылӥз Венгрие, пумиськылӥз отысь премьер-министрен В. Орбанэн.

Пумиськон возьматӥз: Россилэн Европаын эшшо одӥг оскымон эшез вань. Вылӥ кивалтӥсьёс кенешизы пӧртэм удысъёсын, кылсярысь, тазалыкез утёнын, гурт хозяйствоын кусыпъёс возён сярысь. Азинтэмын чагыр эстӥськонэз Венгрие келян пумысен огкыл но. В. Орбан жалямзэ вераз, газэз Россиысь Европае кысконъя «Южный» проект дугдытэмын шуыса. Но Венгрия куре, Турцие чаклам газ «сюресэз» кузьгес карыны, соос дорозь но вуттыны.

ru.slovoidilo.ua

ru.slovoidilo.ua

Огпала билет

Украинаысь министръёслэн кабинетсылэн йырыз А. Яценюк гыжысь-пиньысь басьтӥськиз Россиен кунгож кузя «борддор» ӝутон борды.

Та ужпумез со нимысьтыз чакласа возьыны куриз Украинаысь МВД-лэсь министрзэ А. Аваковез. Эшшо шуиз: кин кунгожез юнматыны пумит луоз, солы Россие билет басьтыса сётоз, нош берлань сюрес уз луы ни.

Россиен но Украинаен кыстӥськись гожлэн кузьдалаез 2,3 иськем кузьда луэ, со пӧлысь 1 сюрс 750 иськемез ортче музъем вылтӥ.

РОССИЫН

news.rambler.ru

news.rambler.ru

Йырез суран

Россиысь спецслужбаос чаклало: Киев, США кивалтэм улсын, Крымысь интеллигенцилэсь мылкыдзэ Россилы пумит ӝутка.

Россиысь ФСБ-лэн Крым республикая кивалтӥсез В. Палагин верамъя, отын ог 15 пала пӧртэм проектъёсты улонэ пыӵатыны туртто ни. Ваньмыз соос Россилэсь данзэ уськытон вылысь чакламын.

Вазенгес ни Украинаысь МВД-лэн министрезлэн визь-кенешен юрттӥсез А. Геращенко кышкатъяны выриз ни вал: Украинаын «зэмлык» сярысь Россиын но Крымын улӥсьёслы Киев вералоз спутникъёс пыр.

УДМУРТИЫН

Правительстволэн пресс-службаезлэн туспуктэмез

Правительстволэн пресс-службаезлэн туспуктэмез

Кузебай Гердэз мед тодозы Москваын но

Тӧро Александр Соловьёв пумиськылӥз Удмуртиысь калык писателен Вячеслав Ар-Сергиен.

Соос кенешизы Литературалэсь арзэ Удмуртиын ортчытон пумысен. В. Ар-Серги дэмлаз: туэ ар Москваын ялэмын Удмуртилэн ареныз — ӧй луысал меда Москваысь Трубниковской пролкаысь одӥгаз юрт борды Кузебай Гердэз данъясь пул шуккыны? Со юртын улӥз но удмурт калык понна тыршиз К. Герд. Тӧро та ӵектонэн быдэсак соглаш кариськиз но юрттыны оскытӥз. А. Соловьёв ватсаз на: литература удысын ужпумъёсты сэрттон вылысь матысь дыре радъяны чакласько пӧртэм пумиськонъёс.

Элина Кумачёва

Удмурт Дунне
By Удмурт Дунне 24 февраля, 2015 12:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<