Адӟемпотостэм «Доктор Живаго»

Удмурт Дунне
By Удмурт Дунне Февраль 17, 2015 11:02

пастерБорис Пастернак (1890-1960) вордӥськиз Москваысь еврей семьяын. Соин но, дыр, солэн улонэз капчи ӧй вал. Озьы ке но Россиысь ӧз кошкы. 10-тӥ тулыспалэ солы 125 ар тырмиз.

1958-тӥ арын Борис Пастернаклы Нобель премиез сётӥзы. Таин валче сое Писательёслэн союзысьтызы уллязы, книгаоссэ ӧз печатлалэ, кылын жугыны кутскизы. Пастернак премилэсь куштӥськоно луиз.

«Доктор Живаго» романзэ но Совето Союзын печатланы ӧз лэзе. «Уг яра сётыны трибунаез Пастернаклы!» — кесяськиз «Новый мир» журналлэн редакторез К. Симонов. Озьы произведениез Италиын потӥз, собере Великобританиын. Романэз Совето Союзлы пумит сылӥсь огазеяськонъёс пӧртэм кылъёсы берыктылӥзы но калыке вӧлмытӥзы. Валамон, малы Б. Пастернакез ӧз яраты совето власть.

Совето Союзысь ты кошкоз, дыр, шумпотыса малпаллязы писательёс. Но Пастернак Н. Хрущёвлы гожтэт ыстэ: «Вордӥськем кунысьтым кошкон мон понна кулон кадь. Мон Россиен герӟаськемын вордӥськеменым, улонэным, уженым.»

Кылбуръёсыныз со матын луиз футуристъёслы, сюжетъёс но котьку улонысь шедьтылӥз. Улонлэн аспӧртэмлыкъёсыз творчестволэн аспӧртэмлыкъёсызлы пӧрмо, шуылӥз Пастернак. Озьы улон сярысь малпанъёссэ адӟыны луэ кылбур бичетъёсысьтыз: «На ранних поездаз», «Второе рождение», «Грузинские лирики».

Пастернак туж яратылӥз Грузиез но эшъяськылӥз отысь кылбурчиосын: соосты ӟуч кылэ берыктылӥз, очеркъёс гожъялляз, Москваын грузин литературалы сӥзем ӝытъёс ортчытъяз. Россиын Пастернакез адӟемпотостэм каризы бере, Грузиын сое гажаллязы. Мар кулэ на гожъяськисьлы?

Но тани быро мон, кылёз улонэ мынам,… но ма отын валтӥсез вал? Атайлэн ужез, крезьгурез но А. Скрябинэз яратон, творчествоысьтым кык-куинь нотаос, гуртысь ӟуч уй, революция, Грузия, гожъялляз Б. Пастернак.

Мария Векшина

Удмурт Дунне
By Удмурт Дунне Февраль 17, 2015 11:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<