Пайдаё шутэтскон

Удмурт Дунне
By Удмурт Дунне Февраль 16, 2015 10:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

"Россиысь куас сюресъёс" ӵошатсконэ пыриськизы нимо-дано спортсменъёс

Кылем шутэтскон нуналъёсы шаерамы трос пӧртэм спортъя вожвылъяськонъёс вал. Тужгес трос калык пыриськиз «Россиысь куас сюресъёс — 2015» ужрадэ. Шаерысьтымы ваньмыз сямен ёросъёс но городъёс куасэн бызьылонъя ӵошатскон ортчытӥзы.

«Россиысь куас сюресъёс» праздник 2 нунал кыстӥськиз. Нырысь нуналаз спортсменъёс ёросъёсын бызьылӥзы, тужгес кужмоосыз Г. Кулаковалэн спорткомплексаз люкаськизы мукет нуналаз, 8-тӥ феврале. Кылем арен ӵошатыса, ӵошатсконэ пыриськыны мылкыд карисьёслэн лыдзы туэ данаклы тросгес вал.

8-тӥ феврале куасэн бызьылӥсьёслы шудо но вольыт сюрес сӥзизы шаерысьтымы кивалтӥсьёс, нош бӧрысь, куасъёссы вылэ султыса, спортэн эшъяськемзэс возьматӥзы. Соос финише вуон азьын старт сётӥзы спортсменъёслы. Таосыд, эркын лэзем валъёс выллем, лымы пурӟытыса, гурезе ширтӥзы, 5 но 10 иськемез огшокчемен ортчизы.

«Россиысь куас сюресъёс» ужрадэз ас вормонъёсынызы шулдырто но учкисьёсты шумпотто шаерысьтымы дано спортсменъёс. Валай, куд-ог адямиослы бадӟым дан луэ вылэм нимо-дано спортсменъёсын ӵош туспуктэм вылэ пуксьыны. Таяз учыре ӵошатсконэз шулдыртӥзы дуннеысь студентъёслэн Словакиын ортчем Универсиадаязы пыриськем спортсменъёс Равиль Валиахметов но Лилия Васильева. Нош Константин Главатских но Ольга Сергеева кужымзэс эскеризы вал дуннеысь куасэн бызьылӥсьёслэн кубок понна нюръяськоназы, кудӥз ортчиз Москва улосысь Рыбинск городын.

Воргоронъёс 10 иськеме бызьылӥзы, вормон понна ӟырдыт нюръяськон мынӥз. Ижысь Равиль Валиахметов, Кезысь Константин Главатских но Шарканысь Николай Хохряков куспын вормисез шараяны юрттӥз фотокамера. Спортсменъёс ог-огзылы 0,3 но 1,1 секунд келязы. Нылъёс 5 иськеме бызьылӥзы, вормисе потӥзы Можгаысь Лилия Васильева, Ижысь Ольга Сергеева но Балезино ёросысь Дина Некрасова.

Нимысьтыз пусйыны кулэ созэ но, азьвыл аръёсы тросэз адямиос кузьым (шапка) понна куас вылэ ньӧмыз понна султылӥзы ке, берло дыре тазалыксэс юнматыны мылкыд карисьёслэн лыдзы йылэ. Анай-атайёс сьӧры уйисько пиналъёссы, нош кӧня арлыдоос! Шӧдӥське, ваньзы соос куас вылэ нырысьсэ султэмын ӧвӧл шуыса.

Валентина Емельянова

Тусп

уктэм sportur.ru

Удмурт Дунне
By Удмурт Дунне Февраль 16, 2015 10:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<