Сюлмаськыны мугез ӧвӧл

Удмурт Дунне
By Удмурт Дунне 16 февраля, 2015 10:28
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

сокрКризисэн валче ӵемгес чузъяськыны кутскизы ужасьёсты кулэстон пумысен иворъёс. Кыӵе югдур Удмурт шаерын, ивортӥз ужъя но миграцияя политикая министр Надежда Губская.

Та вакытлы ужтэк кылемъёслэн лыдзы шаерамы 8 сюрс 332 мурт пала. Та лыдпус 2,2 процентлы, яке 182 муртлы, ятыргес, кылем арлэн та вакытэныз ӵошатыса. Ужтэк пукисьёслэн лыдзы кылем ар куспын ӝутскемын 14 ёросын, кулэсмемын — 11-аз. Безработнойёс тужгес но трос Камбарка но Каракулино палъёсын, нош 8 ёросын соослэн лыдзы шӧдскымон ӧжытгес огъя шаермыя лыдпуслэсь. Приволжск федерал округысь улосъёс пӧлын Удмуртиын ужтэк пукисьёслэн лыдзы тужгес ичи.

Калыкез уже интыянъя кун служба ӵектэ 16 но ӝыны сюрс инты, со пӧлысь 11 но ӝыны сюрсэз — Ижын. Предприятиос тужгес но зол кулэясько лэсьтӥськисьёслы, инженеръёслы, пӧртэм ужез быдэсъясь рабочийёслы. Ужтэк кылемъёс понна паськыт радъямын дышетон: со пыр кылем ар куспын ортчизы 3 сюрс 700 безработнойёс, таос пӧлысь 85 процентэз сюлэмзыя уж шедьтыны быгатӥзы.

— Калыкез уже интыянъя ёзъёс лыдэ басьто предприятиосысь сокращение пумысен вуэм ивортонъёсты гинэ, — вераз Надежда Губская. — Туннэ нуналлы югдур уг сюлмаськыты. Кылсярысь, 63 муртэ матысь дыре кулэстон пумысен ивор сётӥз Сарапулысь санитарной транспортъя предприятие — соос пӧлысь 17 мурт, уж утчаса, биржае вазиськиз ни. Со сяна, туэ июль толэзе 71 муртсэ кулэстыны чакла «Россельхозбанклэн» Удмурт ёзэз, 61 ужасьсэ — Каракулино ёросысь «Русь» огазеяськон, 420 ужасьсэ — «Росатом» концернлэн бурд улаз пырись «Атом-охрана» огазеяськонлэн шаерысьтымы ёзэз. Нырысь учкыса гинэ, та лыдпусъёс сюлмаськыто кадь. Но валля арлэн та вакытэныз ӵошатоно ке, куректыны мугез ӧвӧл: соку ар кутсконын чакламын вал 1 сюрс 611 муртэз кулэстыны, туэ — 1 сюрс 475 адямиез. Вакансиос тырмыт, мон малпамъя, шуг-секытъёс уз кылдэ, — оскытӥз Н. Губская.

Елена Никитина

Удмурт Дунне
By Удмурт Дунне 16 февраля, 2015 10:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<