Ӵошатскизы люкиськыса

Удмурт Дунне
By Удмурт Дунне 16 февраля, 2015 09:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

_DSC3623Йылпумъянъёс лэсьтэмын удмурт кылъя но литературая элькун олимпиадалы. Нылпиос ӟечесь тодон-валанъёс возьматӥзы.

Олимпиада ортчиз кылем арня вискын Кузебай Герд нимо гимназиын. Отчы Удмуртиысь, Башкириысь но Татариысь 140-лэсь ятыр нылпиос пыриськизы. Туэ нырысьсэ нылпиос нимаз группаослы люкемын вал: одӥгъёсыз литературая тодон-валанъёссэс сыназы, мукетъёсыз — кылъя. Эшшо нимаз группае люкизы ӟучомем, удмурт кылэз «Ӟеч-а, бур-а, удмурт кыл» учебникъя дышетӥсь, пиналъёсты.

— Нырысьсэ Интернетэз но кутӥм, литературая группае пырисьёс слайдъёсын ужазы, — шуиз Дышетонъя но наукая министерствоысь национальной образованиея секторысь валтӥсь специалист Надежда Ямаева. — Нырысетӥ мильыммы ӧз комъяськы, шуыны луоз. Малпасько, олимпиадаосын туала технологиосты эшшо паськытгес кутыны кутском.

Специалистъёс верало: олимпиадаын юанъёс капчиесь ӧй вал. Тодон-валанзэс усьтэм сяна, нылпиос малпаськыны быгатэмзэс, творчествоен эшъяськемзэс возьматыны кулэ вал. Пиналъёс та куронъёсты быдэстӥзы! 1-тӥ интые потэмъёслэн нимъёссы: удмурт кылъя группаын — Кузебай Герд нимо гимназиысь Анастасия Гуляева (9-тӥ класс), Кияса ёросысь Юрмалай школаысь Ольга Крюкова (10-тӥ класс) но Пичи Пурга ёросысь Брангурт школаысь Марина Девятова (11-тӥ класс), удмурт литературая группаын — Агрыз ёросысь Кучук школаысь Анастасия Михайлова (9-тӥ класс), Шаркан ёросысь Мувыр школаысь Кристина Федулова (10-тӥ класс), Кузебай Герд нимо гимназиысь Степан Черепанов (11-тӥ класс). Удмурт кылэз «Ӟеч-а, бур-а, удмурт кыл» учебникъя дышетӥсьёс пӧлын — Пичи Пургалась 1 номеро школаысь Наталья Данилова (9-тӥ класс), Сьӧлта школаысь Анжелика Малышева но Можга городысь 1 номеро школаысь Алёна Нестерева.

Элина Васильева

Туспуктӥз Александр Горбунов

Удмурт Дунне
By Удмурт Дунне 16 февраля, 2015 09:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<