Юн мыло-кыдоесь

Удмурт Дунне
By Удмурт Дунне Февраль 9, 2015 10:03
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Юбилей нуналэ вазь ӵукна ик «Удмурт дуннеын» ужасьёсты удмурт дэремъёсын, удмурт кырӟанэн, пӧсь перепечен  но самовар ческыт чаен пумитазы Эгра ёросысь Сэп гуртысь эшъёсмы, «Крезьгур» хорысь кырӟасьёс.

Сэпысь клубын ужасьёслы таӵе малпан лыктэм вордӥськонэ. Кивалтӥсьсы Татьяна Мосова верамъя, соос, 4 часын султыса, Иже ӝутӥськизы ини. Сюрессы сокем вольыт ӧй вал, Порвай дорын сэпъёс кык пол лымые тайылӥзы, озьы ке но ӧз берытске. 7 часын ӵукна артистъёс редакциын вал ини. Усточиос котькуд ужасьмес, 27 муртэ, выль кырӟанэн пумитазы,  вазь ӵукна ик соос быдэс репертуарзэс быдэстӥзы кадь.

— Коллективе туж юн мыло-кыдо, — веранзэ мытэ Татьяна Ксенофонтовна. — Тани тодмато: таиз ачиз ветлӥсь арганмы — Дмитрий Перевощиков, хормейстермы Нина Лекомцева, режиссёрмы Алевтина Мосова, культорганизатормы Андрей Лекомцев,  вуриськисьмы — ми ваньмы солэн кылдытэм костюмъёсыныз — Алевтина Хохрякова, художникмы Екатерина Романова. Ёросысь культура управлениысь валтӥсь бухгалтермы Эмилия Романова. Таосын вуэтӥ, пӧсетӥ, лымыетӥ но потомы,  мае ке малпамы ке, ноку но ӝыныё ум дугдэ. Тау культурая управлениен кивалтӥсьмылы Анатолий Чирковлы тазьы ветлыны автобус сётэмез понна.

Вань та адямиос — милемлы зэмос эшъёс ини. Кӧня ке ар талэсь азьло чиганэн суро удмурт пи Андрей Лекомцев «Удмурт дуннелэн» нырысетӥ бамаз потӥз вал. Алевтина Хохряковазылы синмаськимы, «Маскара» фестивале пыриськыкуз. Татьяна Мосова кылем арын газетамы ялэм «Гурт адями» конкурсын «Ӟеч сюлэм» номинациын вормисе потӥз. Синмаськымон но мыло-кыдо нылкышно сярысь, бухгалтерзы Э. Романова шуэ:

— 13 ар культурая управлениын ужасько ни валтӥсь бухгалтер луыса. Татьяна Мосова огпол но шутэтскемын ӧвӧл, отпуске заявление гожтэ но нош ик уже потэ.

Тау тӥледлы, сэпъёс, юбилеймылы таӵе кузьым лэсьтэмды понна. Милемды тазьы кырӟаса-вераса редакциын ӧз на пумиталлялэ вал. Тӥледын валче нуналмы синмаськымон кутскиз, озьы ик шулдыр но чебер йылпумъяськиз но.

 Галина Семёнова

4-6-1

Эгра ёросысь Сэп гуртысь кырзасьёс-верасьёс газетлэн редакцияз.

Туспуктӥз Владимир Беломорских

Удмурт Дунне
By Удмурт Дунне Февраль 9, 2015 10:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<