«Лыдӟиськы, Ижкар!»

Удмурт Дунне
By Удмурт Дунне Сентябрь 4, 2014 16:48

8-тӥ-13-тӥ куарусёнэ шоркарын ортчоз «Лыдӟиськы, Ижевск!» фестиваль.

Лыдӟиськисьёс ӧжыт луизы, книгаос ӝажы вылын мӧзмыса пуко, ӝожтӥсько библиотекаын ужасьёс. Соос оско, «Лыдӟиськы, Ижкар!» фестиваль лыдӟиськисез библиотекаосы кыскоз, адямиослы творческой мылкыд кузьмалоз но, книгаез яратон Ижкарын выльысен ӝуатскоз.

4 площадка луоз: книгаосын вуз карон инты, лыдӟиськон зал, «Антикафе» но нылпиослы интыос. Со сяна, ортчозы «Лыдӟиськись троллейбус», «Писательёслэсь лыдӟиськисьёслы — книга», «Кино но книга», веловест акциос.

Тросэз возьмало ни Денис Драгунскийлэсь но Дмитрий Емецлэсь лыктэмзэс. Та тодмо гожъяськисьёсын пресс-конференция радъяськоз. Отчы лыктыны быгатозы вань мылкыд карисьёс. Озьы ик аслэсьтыз ужъёссэ возьматоз Россиысь тодмо режиссёр Арсений Гончуков.

— Шор площадьын пуктэмын луоз шатёр. Отын валтӥсь ужрадъёс ортчозы: спектакльёс, концертъёс, лыдӟиськонъёс, кино возьматонъёс но гожъяськисьёсын пумиськонъёс. Ужрадъёс луозы на библиотекаосын, кафеосын, транспортын, Ижкарысь музейёсын, — шуэ фестивалез радъясь Дарья Жукова. — 5 нунал куспын 200-лэсь ятыр ужрадъёс ортчозы. Соин ик пичиез но, бадӟымез но аслыз тунсыко уж шедьтоз.

8-тӥ куарусёнэ та фестиваль радын туала удмурт прозалы сӥзем «Палэс» ӝыт ортчоз. Егит гожъяськисьёслы ӧсъёссэ усьтоз музейлы пӧрмытэм «Генераллэн юртэз».

Мария Векшина

Удмурт Дунне
By Удмурт Дунне Сентябрь 4, 2014 16:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<