Арт-экспедиция ортчоз гуртъёстӥ

Удмурт Дунне
By Удмурт Дунне 15 июля, 2014 11:21
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

jxR6c63Iu6U
28-тӥ пӧсьтолэзьысен-7-тӥ гудырикошконозь «Арт-экспедиция» ортчоз. Туала удмурт культураен тодматыса, карысь егитъёс 5 удмурт гуртъёсы вуылозы.

«Арт-экспедицилэн» командаез котькуд гуртын кык нунал улоз. Нырысетӥ нуналэз мастер-классъёслы, тунсыко адямиосын пумиськонъёслы, гуртэн тодматсконлы сӥземын луоз, нош кыкетӥ нуналэ концерт радъямын луоз. Экспедиция пайдаё мед ортчоз шуыса, котькуд егитлэн аслаз ужез. Ксюша Ворончихина ужрадъёсты тус пуктылоз, видео лэсьтоз, солы юрттоз Алина Крестьянинова. Мария Векшина но Марина Сергеева ужамзы сярысь блогъёсазы гожъялозы, егитъёсты но вотэсын асьсэ бамзэс усьтыны дышетозы. Мария Игонина тылын «шокалоз» но ӝуась арбериосты бергатоз. Таня Тихонова киужен вырыны но эктыны-кырӟаны дышетоз, Аня Образцова суредаськонъя мастерской радъялоз. Гриша Григорьев та проектлэсь сайтсэ нуоз, нош Богдан Анфиногенов кылос материалъёсты люкалоз. Костя Никитин но Надя Наговицына театрын шудонъя мастер-классъёс ортчытъялозы.

— Али дырлы гуртысь удмурт егитъёслэн, Ижкарын улӥсьёсыныз ӵошатыса, асгажанзы улӥынгес, соос возьдасько удмурт кылын вераськыны, — шуэ проектлэн кивалтӥсез Ольга Тронина. — Та ӵектосэн ми малпаськом соослэсь удмуртлык шоры учкемзэс воштыны, удмурт культуралэсь азинскемзэ но туала луэмзэ возьматыны, гуртъёсысь егитъёсын кусыпъёс кылдытыны. Оскиськом, азьланяз соос но удмурт лулчеберетэз узырмытозы шуыса.

Нырысь ик егитъёсты пумиталоз Кез ёросысь Александрово гурт, собере экспедиция ортчоз Эгра (Кабачигурт), Якшур-Бӧдья (Кекоран), Пичи Пурга (Иваново-Самарск) но Алнаш (Чем-Куюк) ёросъёстӥ.

Проект Егитъёсын ужанъя, Йӧскалык политикая министерствоослэн но Елена но Геннадий Тимченкоослэн фондзылэн юрттэмзыя улонэ пыӵа.

Пыр-почгес татысь шедьтыны луоз: vk.com/artekspedicija

Удмурт Дунне
By Удмурт Дунне 15 июля, 2014 11:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<