Кыӵе поэзия шонер?

Удмурт Дунне
By Удмурт Дунне Май 20, 2014 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Егит кылбурчи Лариса Орехова.

Егит кылбурчи Лариса Орехова.

Гожъяськон азинскыны кулэ дырен ӵош

Йӧскалык библиотекалэн шаертодонъя ёзэтаз «Удмуртиысь литературалэн выль тулкымъёсыз» пумиськон ортчиз. Со ӟуч, удмурт но бигер егит гожъяськисьёсты но кемалась тодмо луэм писательёсты огазе люказ.

Кызь ар талэсь азьло та выллем ик пумиськон тодматӥз Ар-Сергиен, Виктор Шибановен но мукетъёсыныз али тодмо луэм писательёсын. Таяз радэ но библиотекалэн залаз егит гожъяськисьёс уно люкаськизы. Кин тодэ, оло, соос но, дыр ортчыса,  удмурт литератураысь яркыт кизилиослы пӧрмозы.

Сюлэмшугъяськонъёссэ шараяз «Кенеш» журналысь поэзия ёзэтлэн редакторез Лидия Нянькина. Удмурт кыллэн чеберез, шонерез, пе, ыше. Егит авторъёс, ӟуч кылын малпаськыса, мылкыдзэс бумага вылэ удмурт кылын кисьто. Таин сэрен лыдӟисьёс понна чуръёссы валантэмесь луо. Солы пумит ӝутскизы егит гожъяськисьёс Дарали Лели но Маша Векшина.

— Гожтэмъёсамы ӟуч кылъёсты пыртылон, калькаосъя гожъяськон — со туала улонлэн куронъёсыз, — шуиз Дарали. — Ми гожъяськиськом, Интернетысь чуръёсты адӟыса. Арлыдогес адямиослы со валантэм потэ, дыр. Али егитъёс туж трос гожъясько, уката но вотэсын.

Кылсярысь, Богдан Анфиногенов усьтӥз выль суро-пожо гожъяськон амалэз, гожъяськыны кутскисьёс солэсь адӟем каро.

Лидия Нянькина талы пумит шуиз:

— Богданлэн творчествоеныз мон туж умой тодмо. Нош мукетъёсыз, быгатыса ӟуч кылъёсты кутыны уг ке быгато, кылбуръёссэс кухняязы мед лыдӟозы, зэмос поэзиен медаз суралэ!

— Адямилэсь зэмос гожъяськись мед пӧрмоз шуыса, солы одно ик кулэ ӟеч визьнодась, — шуиз кылбурчи Виктор Шибанов. — Кин ужаны кулэ егит литераторъёсын? Кин кулэ юрттыны егитъёслы гожъяськон кылзэс волятыны? Азьло та ужен выриз Писательёслэн огазеяськонзы. Али талы уксёзы, пе, ӧвӧл.

Библиотекаын ужасьёс егит гожъяськисьёслы ӵектӥзы библиотекалэн бурд улаз люкаськылыны, ужъёссэс сэрттыны-пертчыны.

— Авторъёс  секытлэсь пегӟыны туртто. Вормыны, азьлань мыныны мылкыдзы чик  ӧвӧл. Тросэз гожъяло яратон сярысь, туж огшоры кылъёсын, темае мур выйытэк, — пусйиз «Инвожо» журналлэн редакторез  Пётр Захаров.

Вераськонъёс-ченгешонъёс бере дыр вуиз кылбурчиослэн ужъёсынызы тодматскыны. Кылбуръёссэс лыдӟизы Богдан Анфиногенов, Маша Векшина, «Чайка» огазеяськонысь егитъёс но мукетъёсыз. Ачим но кӧня ке гожъяськисько бере, ваньмыз сямен ик, куалекъяса потӥ кылбурме лыдӟыны. Куалекъяй, малы ке шуоно  та ӝыт ӵоже валай,  аслам но шекъёсы трос шуыса.

Янгышъёстэ валаськод ке, соосты тупатыны секыт уз луы, ӟеч гожъяськисьёс юрттӥзы на ке. Соку кылдоз, дыр, азьвыл даурысь кадь «шонер» поэзия. Но дыр интыяз уг сылы ук! Улон, адямиослэн малпанъёссы, вераськон манерзы — ваньмыз воштӥське. Гожъяськон удыс но улонэн валче азинскыны кулэ, бумага вылэ гожтэмын-а со, Интернетэ потэмын-а.

 

[vsw id=»» source=»google» width=»425″ height=»344″ autoplay=»no»]

Дарья Шиляева

 

 

Удмурт Дунне
By Удмурт Дунне Май 20, 2014 17:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<